باس بانكير دانييار اقىشەۆ بٷگٸن بجزق ينۆەستيتسييالارىنا قاتىستى ٶز پٸكٸرٸن بٸلدٸردٸ, دەدٸ قازاقپارات تٸلشٸسٸ.
دانييار اقىشەۆ ايتقانداي, ەزٸربايجان بانكٸندەگٸ پروبلەما 2015 جىلدان باستالدى. 2016 جىلدان باستاپ ۇب ەزٸربايجان ٷكٸمەتٸنە, ەزٸربايجان بانكٸنە تالاپ قويا باستادى.
«بٸراق ولار مەرزٸمٸنەن بۇرىن قارىزدى قايتارۋعا كەلٸسپەدٸ. مەمٸلەنٸڭ مەن-جايىنا قاتىستى كٶپ سۇراق جاۋاپسىز بولىپ وتىر. ۇب ٸستٸ قۇقىق قورعاۋ ورگاندارىنا بەرەدٸ», - دەدٸ د.اقىشەۆ.
ونىڭ سٶزٸنشە, 2014 جىلدىڭ قازان ايىندا بۇرىن قابىلدانعان شەشٸمدەر نەگٸزٸندە 250 ملن دوللار ينۆەستيتسييالانعان.
«شەشٸمدٸ بجزق ەمەس سول كەزدە ۇلتتىق بانكتە قىزمەت ەتكەندەر قابىلدادى. لوندوندا ٶتكەن وتىرىستا قارىزدى قايتا قۇرىلىمداۋدىڭ 3 تەسٸلٸ ايتىلدى. بٸرٸنشٸدەن, بجزق اكتيۆتەرٸن ەزٸربايجان مەملەكەتتٸك قۇندى قاعازدارى تٷرٸندە 200 ملن دوللارعا 5 پايىزبەن ايىرباستاۋ, ەكٸنشٸدەن 250 ملن دوللاردى 15 جىلعا 3 پايىزبەن, نەمەسە 7 جىلعا 3,5 پايىزبەن. ٷشەۋٸ دە شىعىنعا باتىرادى», - دەدٸ ول.
باس بانكير ۇلتتىق بانكتٸڭ بارىنشا اقشانى از شىعىنمەن قايتارۋعا تىرىسىپ جاتقانىن ايتتى.
«زەينەتاقى اكتيۆتەرٸن ينۆەستيتسييالاۋ تۋرالى شەشٸمدٸ ارنايى كەڭەستٸ باسقارعان ۇلتتىق بانك تٶراعاسى قابىلداعان. 2014 جىلدىڭ سەۋٸرٸندە تۇجىرىمداما مەن قۇرالدار تٸزٸمٸ شىقتى. دەكلاراتسييا شىققان سوڭ ينۆەستيتسييا كٶلەمٸ دە انىقتالدى. 2016 جىلدان باستاپ باستى فۋنكتسييالار قوردى باسقارۋ كەڭەسٸنە بەرٸلدٸ. ونى مەملەكەت باسشىسى باسقارادى. ۇلتتىق بانك قازٸر شەشٸم قابىلدامايدى, ول القا كەڭەسٸنٸڭ نەگٸزٸندە ەرەكەت ەتەدٸ», - دەدٸ ول.
