Álemniń 20 eli Ýkrainaǵa kómektiń jańa paketin usynýǵa daiyn. Bul jóninde 23 mamyrda Ýkraina kontakt tobynyń onlain-kezdesýinde AQSh Qorǵanys ministri Lloid Ostin habarlady, dep jazady Azattyq.
Daniia kemege qarsy qoldanylatyn qazirgi zamanǵy "Garpýn" qanatty zymyranyn beredi. 150-200 shaqyrymdaǵy nysanaǵa jetetin bul zymyran, Resei floty buǵattap turǵan Odessa portyn qorǵaýǵa kómektesedi.
Kezdesýge qatysqan 47 eldiń ókilderi qazirgi jaǵdai álemde azyq-túlik daǵdarysyn týdyrýy múmkin ekenine alańdady. Amerika generaly Mark Millidiń sózinshe, "Garpýn" zymyrany kommertsiialyq tasymaldy iske qosa almaǵanymen, Odessa portyna Resei teńiz desantyn túsirmeýge septigin tigizedi.
Ostin sózinshe, ózge de elder "artilleriialyq oq-dári, jaǵalaý qorǵanysy júiesin, tankiler men basqa da berendi tehnika" bere alady. Munan ózge Ýkraina kontakt tobyna qatysýshylar Ýkraina jaýyngerlerin oqytýǵa jáne Ýkraina áskeri júiesiniń jumysyna qoldaý kórsetýge mindettengen.
