«2010 jyldyń jeltoqsanynda Qazaqstannyń burynǵy Premer-ministri Danial Ahmetov ekologiialyq energetika salasyndaǵy kompaniiany basqarǵany jáne saiasatqa qaita oralǵysy kelmeitini belgili boldy» dep jazdy KazTag.
Iá, qazirgi saiasi álemniń «tiajelovesi» bolyp tanylǵan Danial Kenjetaiuly saiasattan ketken kúnder bolǵan. Múmkin ol osy jyldyń jazynda da ketkisi keldi, múmkin sailaýdan keiin ketemin dep josparlady. Biraq jazda Prezident joldaýynan keiin oblystar bólindi. Abaidy bólip jatqanda, jańa ákim sailap jatý strategiialyq qatelik bolar edi. Jýyqtaǵy sailaýdan keiin ketýge bárine belgili Ridderdegi JEO jaǵdaiy kedergi boldy.
Búgin de mine, kete me, ketpei me degen suraq kóbimizdiń kókeiimizde tur.
Negizinde, ózderin táýelsiz qoǵambyz dep "pozitsionirovat etetin" azamattyq qoǵam ókilderine (mysaly biz) – ákimniń ketýi, jańa ákimniń kelýi eshqandai da aýa raiyn jasamaý kerek. Jaǵympazdyqpen kún kórip júrgenderge qiyn árine. Olarǵa báribir ǵoi - jańa ákim kelse, soǵan jaǵympazdanyp, bórikterin aspanǵa ata beredi.
Danial Kenjetaiuly - sovet úkimetiniń sapaly bilimin alǵan adam. Ol kisiniń injener-qurylysshy ekenin kóbi bile bermeidi. Prezident aitpaqshy, «institýtsionalnyi» ákimderdiń biri. Biz qazir táýelsizdikti aityp, urandap shyǵamyz qit etse. Al táýelsizdiktiń alǵashqy qiyn jyldarynda memleketti aiaǵyna turǵyzǵan saiasatkerlerdiń biri qazirgi ákim emes pe? Danial Kenjetaiulymen birge shai iship otyrǵanda, (iá, iá, birge shai iship) sol aýyr jyldardyń áńgimesin aitqan edi. Sony áne jazamyn, mine jazamyn dep júrip, sáti endi túsken siiaqty.
«90 jyldardyń basynda halyqta jumys joq, zeinetaqy tólenbei toqtap turǵan kez, sovet úkimetiniń jaily jaǵdaiyna úirenip qalǵan qara halyq ne isterin bilmei, abdyrap qalǵan kez. Eki kúnniń birinde shýlap ákimdikter aldyna keledi. Sondai bir jiyndarda men kómekshimdi jiberdim, ol qaityp keldi, halyq meni tyńdamai jatyr dep aitty dep. Sodan ne isteimin? Ózim shyqtym. Qys ýaqyty bolatyn, ústime kýrtkamdy kiip alǵanmyn. Jiylǵan adamdardyń suraǵyna jaýap bere bastadym. Sol kezde halyq ortasynda turǵan jas jigit aiqailady maǵan, siz qymbat ton kiip alyp, halyqty jubatpai-aq qoiyńyz dep. Men sol kezde kýrtkamdy sheship, sol jigittiń iyǵyna jaba saldym. Sodan keiin baryp, tynyshtalyp qalǵan halyqpen áńgimelese aldym. Al sol kýrtkanyń qymbat emes ekenin men ǵana biletin edim» - dep aitqan bolatyn.
«Al sol kýrtkanyń qymbat emes ekenin men ǵana biletin edim» osy sózder týraly men kóp oilanyp júrdim. Osy sózderge bola meniń esimde qaldy aitylǵan áńgime.
Jasyrmaimyn, meniń de júregim búgin qobaljýly. Bizdiń de kelispegen tustarymyz boldy. Biraq bul meniń Sizge degen qurmetime esh áser etpegen edi...
Juldyz Aqtanjanovanyń Feisbýktaǵy jazbasynan
