Shyǵys Qazaqstan oblysynyń ákimi Danial Ahmetovtiń ókilettigi bir jylǵa uzardy. Bul týraly Prezidenttiń baspasóz hatshysy Rýslan Jeldibai áleýmettik jelidegi paraqshasynda jazdy.
"Búgin Prezidenttiń Jarlyǵyna sáikes Danial Kenjetaiuly Ahmetovtiń mol tájiribesi eskerilip, onyń qyzmettik ókilettigi bir jylǵa uzartyldy", - delingen habarlamada.
Eske sala keteiik, Danial Ahmetov 15 maýsymda 68 jasqa tolady. Ár jyldary ol Premer-ministr, Qorǵanys ministri, Eýraziialyq ekonomikalyq komissiianyń energetika jáne infraqurylym jónindegi alqasynyń múshesi boldy.
Ahmetov Pavlodar indýstriialyq institýtyn "injener-qurylysshy" mamandyǵy boiynsha bitirgen. Eńbek jolyn sheber bolyp bastaǵan ol keiin "Pavlodarjilstroi" tresiniń úi qurylysy kombinatynda prorab bolyp jumys istedi.
1992 jyldan 1993 jylǵa deiin Ekibastuz qalalyq ákimshiligin basqardy. Sodan keiin Pavlodar oblysynyń ákimi, SQO ákimi laýazymdaryna taǵaiyndaldy.
