Danial Ahmetov Semeidi adam tanymastai ózgertýge ýáde berdi, - dep habarlaidy "Ult aqparat". ShQO ákimi "Shyǵys Qazaqstan oblysyndaǵy áleýmettik-ekonomikalyq damý jáne 2017 jylǵy mindetter" atty brifingte jýrnalister aldynda osyndai málimdeme jasady.
Ákimniń aitýynsha, Semeide "Qaraǵaily" yqshamaýdanynyń qurylysy bastaldy.
"Bul qalada sáýlettik qundylyǵy bar yqshamaýdan bolýyn qalaimyn. Semeide jáne ShQO qalalarynda árbir úi, árbir páterde bir jarym garajdyń orny bolady. Mundai yqshamaýdan salynyp jatyr. Onyń ústine barlyq úide áleýmettik nysandar bolady", - deidi óńir ákimi.
"Semeidi tanymai qalasyzdar, ras aitam, jaqyn arada. Qyrkúiekte kelińizder, jaǵalaýdyń qalai ózgergenin kóre alasyzdar. Ol múlde basqa bolady, aldaǵy ýaqytta ortalyq alań, kóp nárse ózgeredi", - dep sendirdi Danial Ahmetov.
Sondai-aq, ákim Semeide bolyp jatqannyń barlyǵyn qadaǵalap otyrǵanyn aitady.
"Ai saiyn osy qalamen jeke ózim ainalysamyn: barlyq osal tustaryn bilemin. Ondaǵan máseleli tustaryn atap bere alamyn", - dep aiaqtady sózin oblys ákimi.
