Shyǵys Qazaqstan oblysynyń ákimi Danial Ahmetov Semei qalasynyń jeke oblys bolatyndyǵyna qatysty áńgimelerge núkte qoidy. Bul týraly óńir basshysy búgin Ortalyq kommýnikatsiialar qyzmetinde ótken brifingte aitty, dep habarlaidy "Ult aqparat" QazAqparat agenttigine silteme jasap.
«Bul árine, jai sóz, jalpy aitqan sóz. Menińshe, internettegi qysqa ǵana habarlamany jii ásirelep aitýǵa tyrysamyz. Atap aitqanda, birneshe aqsaqal Semei óńirin qaita jeke oblys etý týraly ótinish bildirdi. Biraq, olai etýdiń eshqandai ekonomikalyq tiimdiligi joq», - dedi Danial Ahmetov.
Oblys ákimi sonymen birge, Semei shaharynda júrgizilip jatqan jumystarǵa toqtaldy.
«Prezidenttiń tapsyrmasymen Semei qalasyna aýqymdy túrde abattandyrý jumystaryn júrgizip jatyrmyz. Biyl ondaǵy 25 shaqyrym jolǵa jóndeý jumystaryn júrgizdik. Eger sońǵy 20 jylda jaz aiynda Semeide ystyq sý bolmady dese, biz bul máseleni sheshpeimiz degendi bildirmeidi. Kelesi jyldan bastap jazda ystyq sýǵa qatysty túiitkil bolmaitynyna kepildik beremin. Biz ekonomikalyq tiimdilik jáne túsimdik baza degenniń bar ekenin túsinýimiz kerek. Biraq, Semei qalasyn kórkeitýdiń jolyn qarastyryp jatyrmyz. Ony búkil Semei halqy biledi. Bul tek qana ystyq sýdyń máselesi ǵana emes, Semei qalasynyń áýejaiyn da jóndeýden ótkizip jatyrmyz. Oblys ortalyǵynyń áýejaiynda ondai jumystar atqarylyp jatqan joq. Sondyqtan, bizge shynaiy kriteriilerge kóshken durys sekildi», - dep túidi Ahmetov.
