شىعىس قازاقستان وبلىسىنىڭ ەكٸمٸ دانيال احمەتوۆ سەمەي قالاسىنىڭ جەكە وبلىس بولاتىندىعىنا قاتىستى ەڭگٸمەلەرگە نٷكتە قويدى. بۇل تۋرالى ٶڭٸر باسشىسى بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە ايتتى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«بۇل ەرينە, جاي سٶز, جالپى ايتقان سٶز. مەنٸڭشە, ينتەرنەتتەگٸ قىسقا عانا حابارلامانى جيٸ ەسٸرەلەپ ايتۋعا تىرىسامىز. اتاپ ايتقاندا, بٸرنەشە اقساقال سەمەي ٶڭٸرٸن قايتا جەكە وبلىس ەتۋ تۋرالى ٶتٸنٸش بٸلدٸردٸ. بٸراق, ولاي ەتۋدٸڭ ەشقانداي ەكونوميكالىق تيٸمدٸلٸگٸ جوق», - دەدٸ دانيال احمەتوۆ.
وبلىس ەكٸمٸ سونىمەن بٸرگە, سەمەي شاھارىندا جٷرگٸزٸلٸپ جاتقان جۇمىستارعا توقتالدى.
«پرەزيدەنتتٸڭ تاپسىرماسىمەن سەمەي قالاسىنا اۋقىمدى تٷردە اباتتاندىرۋ جۇمىستارىن جٷرگٸزٸپ جاتىرمىز. بيىل ونداعى 25 شاقىرىم جولعا جٶندەۋ جۇمىستارىن جٷرگٸزدٸك. ەگەر سوڭعى 20 جىلدا جاز ايىندا سەمەيدە ىستىق سۋ بولمادى دەسە, بٸز بۇل مەسەلەنٸ شەشپەيمٸز دەگەندٸ بٸلدٸرمەيدٸ. كەلەسٸ جىلدان باستاپ جازدا ىستىق سۋعا قاتىستى تٷيٸتكٸل بولمايتىنىنا كەپٸلدٸك بەرەمٸن. بٸز ەكونوميكالىق تيٸمدٸلٸك جەنە تٷسٸمدٸك بازا دەگەننٸڭ بار ەكەنٸن تٷسٸنۋٸمٸز كەرەك. بٸراق, سەمەي قالاسىن كٶركەيتۋدٸڭ جولىن قاراستىرىپ جاتىرمىز. ونى بٷكٸل سەمەي حالقى بٸلەدٸ. بۇل تەك قانا ىستىق سۋدىڭ مەسەلەسٸ عانا ەمەس, سەمەي قالاسىنىڭ ەۋەجايىن دا جٶندەۋدەن ٶتكٸزٸپ جاتىرمىز. وبلىس ورتالىعىنىڭ ەۋەجايىندا ونداي جۇمىستار اتقارىلىپ جاتقان جوق. سوندىقتان, بٸزگە شىنايى كريتەرييلەرگە كٶشكەن دۇرىس سەكٸلدٸ», - دەپ تٷيدٸ احمەتوۆ.
