Shyǵys Qazaqstan oblysynyń ákimi Danial Ahmetov Ridderdegi jaǵdai turaqtanǵanyn málimdedi, - dep habarlaidy Tengrinews.kz.
"Ridderdegi JEO-da alty qazandyq bar, onyń úsheýi ortasha, ekeýi joǵary qysymdy. Onyń ústine osy alty joǵary qysymdy qazandyqtyń ekeýi jaramsyz kúide boldy, olarda kabeldik jáne sym buiymdary, basqarý jáne avtomattandyrý júieleri múlde joq. Qalǵan tórt qazandyq, ókinishke qarai, eń nashar jaǵdaida boldy", - dedi Danial Ahmetov Astanada ótken úkimettiń keńeitilgen otyrysy kýlýarynda.
Ol kúrdeli sharalar qolǵa alynǵanyn, túrli qurylymdardyń 150-den asa qyzmetkeri tartylǵanyn aitty.
"Búginde jaǵdai turaqtaldy, onyń ústine men aitqan eki qazandyq ishinde tórtinshi joǵary qysymdy qazandyq iske qosyldy. Besinshisi boiynsha jumysty jalǵastyryp jatyrmyz, bir aptadan keiin paidalanýǵa beriledi. Sondyqtan jaǵdaiy, bylai aitqanda, búginde teńgerim bar, Ridder qalasyn jylýmen qamtamasyz etetinimizdi naqty bilemiz", - dep qosty Ahmetov.
Aimaq basshysynyń aitýynsha, Ridderdegi jaǵdai turaqtalyp keledi.
