Shyǵys Qazaqstan oblysynyń ákimi Danial Ahmetovke onyń "saiasi uzaq ǵumyry" týraly suraq qoiyldy, - dep habarlaidy Tengrinews.kz.
12 jeltoqsanda Astanada Memleket basshysy qatysqan Úkimettiń keńeitilgen otyrysy ótti. Elordaǵa oblys ákimderi de keldi. Kýlýarda jýrnalister Shyǵys Qazaqstan oblysynyń ákimi Danial Ahmetovke birneshe saýal qoidy. Onyń ishinde, tiimsiz kadrlarǵa qarsy sharalar týraly.
"Meniń orynbasarlarymnyń bári óte kásibi. Erjan Nurbaevtyń aýyl sharýashylyǵy salasynda tájiribesi mol. Shákárim Buqtuǵytov - óndiriste. Ekonomikalyq suraqtar boiynsha kómekshim AQSh-ta oqyǵan jáne óte kásibi. Biz ákimdikke tek joǵary kásipqoilardy alamyz. Biraq Prezident óte durys nárselerdi aitty, ony taǵy talqylaimyz", - dep jaýap berdi ol.
Sondai-aq, Danial Ahmetovke "oblys ákimi bolyp jumys isteýden sharshaǵan joqsyz ba" degen suraq qoiyldy.
"Nege sharshaýymyz kerek? Siz ómirden sharshadyńyz ba? Joq. Men de sharshaǵan joqpyn", - dep jaýap berdi.
"Saiasi uzaq ǵumyryńyzdy qalai túsindire alasyz" - dep surady jýrnalist taǵy da. "Ony Memleket basshysynan surańyz", - dep túiindedi Ahmetov.
