Qazaqstandyq jas ánshi Daneliia Tóleshovanyń tyńdarman kópten kútken klipi jelide jariialandy, dep habarlaidy "Ult aqparat".
Ánshiniń PR-direktory Tatiana Sinenko beinebaiannyń Sháken Aimanov atyndaǵy kinostýdiiada túsirilgenin jáne onyń qazan aiynda daiyn bolǵanyn málim etti. Alaida ánshi men onyń rejisserlik toby klipti jariialaýdy keshiktire turǵandy jón kórgen.
«Biz kesteden sál artta qalyp, klipti jariialaýdy keshiktirip aldyq. Sebebi, ony erekshe qylyp shyǵarǵymyz keldi. Túsirý tobyn tańdaýda jolymyz boldy, olar óz isiniń tájiribeli mamandary eken. Ár tusty muqiiat qarap shyqty: jaryqtyń durys túsýi, dybys, jaryq korrektsiiasy. Men jumysqa rizamyn, kórermenge de unaidy dep senemin», - dedi Daneliia Tóleshova.
«Don’t Cha» - bul jas ánshiniń alǵashqy avtorlyq áni.
Klip Daneliia Tóleshovanyń Youtube kanalynda jariialandy.
