Jas ánshi Daneliia Tóleshova QR UNESCO klýbtary mýzykalyq chellendjin bastady, dep habarlaidy "Ult aqparat".
Ánshiniń PR direktory Tatiana Sinenkonyń aitýynsha, Daneliia estafetany Nur-Sultan, Aqtóbe, Almaty, Taldyqorǵan jáne Óskemendegi UNESCO klýbtaryna joldady. Olar óz kezeginde basqalarǵa joldamaq.
Chellendj qatysýshylary IýNESKO klýbtarynyń ánuranynan kez kelgen tilde bir shýmaq oryndaýy kerek. Sosyn videony Instagram jelisinde #EdinstvoKlýbovIýNESKO heshtegimen ornalastyrýy tiis. Án mátini UNESCO maqsaty men idealdaryna arnalǵan. Jalpy alǵanda ánuran álemdi saqtaý men jaqsartýdy dáripteidi.
Ánshiniń jankúierleri onyń bastamasyn qoldap, gimn mátinin álemniń ár tiline aýdarýǵa ýáde etti.
Aita ketý kerek, Daneliia jaqynda Qazaqstandaǵy UNESCO klýby elshisi atanǵan bolatyn. Bul chellendj - ánshiniń osy mańyzdy missiiasyndaǵy birinshi qadam bolyp otyr.
«Búginde kóp adamǵa ońai emes. Men barlyǵy jaqsy bolatynyna shyn júrekten senemin. Qazir barlyǵymyzǵa birigý kerek. Men Qazaqstandaǵy UNESCO klýbtarynyń elshisi retinde #EdinstvoKlýbovUNESCO challenge bastaimyn. Osy ánurannyń minýsy men mátinin @unescoclubskz saitynan kóre alasyzdar», - dedi ánshi.
