Belarýs prezidenti Aleksandr Lýkashenko Táýelsizdik saraiynda «Junior Eurovision-2018» án baiqaýynyń qatysýshylarymen kezdesti, dep habarlaidy QazAqparat BELTA agenttigine silteme jasap.
Qazaqstandyq jas ánshi Junior Eurovision-2018 án baiqaýynda elimizdiń namysyn qorǵaý úshin jaqynda Minskige jetken bolatyn.
«Sizder qazirdiń ózinde jeńimpazsyńdar», - degen Belarýs prezidenti osynaý iri halyqaralyq baiqaýda óz elderiniń namysyn qorǵaýǵa kelgen jas talanttarǵa sáttilik tiledi.
«Munda tek eń myqty ánshi jeńiske jetedi», - dedi Aleksandr Lýkashenko.
Memleket basshysy baiqaýdyń qatysýshylarmen qyzý áńgime órbitip, kezdesýdiń ózi hattama aiasynan tys sipatqa ulasyp ketti. Kezdesýge sonymen birge, ótken jylǵy baiqaýdyń jeńimpazdary Kseniia Sitnik, Olga Satsiýk pen Lidiia Zablotskaia kelgen. Baiqaýdyń qatysýshylar Aleksandr Lýkashenkoǵa «balalar Eýrovideniesi» ánuranynyń úzindisin oryndap berdi. Kezdesý sońynda balalar Belorýs kóshbasshysymen birge fotosýretke tústi.
