Otandyq BAQ salasyn damytý máselelerine arnalǵan dóńgelek ústel jiynynda Parlament Senatynyń depýtaty Dana Nurjigit aǵartýshylyq baǵyttaǵy telebaǵdarlamalardyń róli jóninde sóz qozǵady, dep habarlaidy QazAqparat.
«Qazirgi qysyltaiań shaqta bilim berý onlain júiege kóshti ǵoi. Úide solai bala oqytyp otyryp, televiziiada reitingten jeńilip qalǵan aǵartýshylyq baǵdarlamalar oiyma tústi. Osyndai kontentti bilim baǵdarlamalaryna engizý kerek siiaqty. Báribir balalarǵa arnalǵan jaqsy baǵdarlamalardyń kóbi shań basyp jatyr. Kitaphanadan kitap izdegendei mundai dúnielerdi de qazirgi zamannyń talabyna sai ainalymǵa qosý qajet. Sondai-aq ár arnanyń kelbetin jasaýymyz kerek. Tulǵa bolatyn, qoǵamǵa sózi ótimdi jýrnalisterdi shyǵarýymyz kerek. Telearna sondai sheberhana bola alady. Osy maqsatta jumyla jumys isteý mańyzdy. Sol kezde ǵana bilikti jýrnalister arqyly arnanyń kelbeti qalyptasady», – dedi senator.
Sonymen qatar Dana Nurjigit jýrnalisterdiń áleýmettik máselesine mán berip, olardy baspanamen qamtý týraly atap ótti.
