Meditsinalyq kómektiń kólemi men sapasy máselelerine qatysty monitoringti odan ári jetildirý qajet. Bul týraly Densaýlyq saqtaý biýdjeti ashyqtyǵynyń monitoringi jaiynda ótken «Antikor.Live» baǵdarlamasynda aityldy, dep habarlaidy QazAqparat.
«Densaýlyq saqtaý ministrliginiń statistikalyq málimetterine sáikes, ótken jyly halyqqa ambýlatoriialyq-emhanalyq sektor deńgeiinde 99 million qyzmet kórsetilgen. Meditsinalyq saqtandyrý qory qansha qyzmetker, qansha kúshi bolsa da munyń bárin basqara almaidy. Árine, bul úshin belgili bir tehnikalyq sheshimder bar», - deidi Ekonomika jáne densaýlyq saqtaýdy qarjylandyrý máseleleri jónindegi sarapshy jáne konsýltant Marat Mamaev.
Onyń aitýynsha, bul máselede aqparattyq júieler iske kirisýi kerek.
«Meditsinalyq kómektiń kólemi men sapasyn baqylaýdy odan ári kúsheitý qajet dep sanaimyn. Qor buǵan belsendi túrde atsalysýda. Bul Qazaqstanda ǵana bar másele emes. Mundai másele barlyq memlekette bar jáne ár el onymen ártúrli jolmen kúresýde. Ekinshi jaǵynan, turǵyndar bul kómekti aldy ma, joq pa - soǵan nazar aýdara bastady. Halyq meditsinalyq kómektiń kólemine monitoring júrgizýge de qatysýy kerek. Bul óte úlken áleýet», - deidi ol.
Onyń aitýynsha, ár toqsan saiyn azamattyq biýdjetti (densaýlyq saqtaý salasy boiynsha) jariialap, turǵyndarǵa baqylaýdy júzege asyrýǵa múmkindik beretin tehnikalyq sheshimder qabyldaý qajet.
