Elimizdegi ulttyq kompaniialardyń qyzmetine saraptama júrgiziledi. Bul týraly Úkimet úiinde ótken brifingide QR Premer-Ministriniń birinshi orynbasary Álihan Smaiylov aitty, dep habarlaidy QazAqparat.
«Prezident kvazimemlekettik sektordyń jekelegen sýbektileriniń jumsalǵan shyǵyndy aqtamaý problemasyn sheshý boiynsha tapsyrma júktedi. Bul baǵytta Esep komitetimen birge árbir ulttyq kompaniia men memlekettik kásiporyn qyzmetine qajetti saraptama júrgiziledi. Buǵan qosa, kvazimemlekettik sektordaǵy kompaniialardyń birinshi basshylaryna damý josparyndaǵy kórsetkishterge qol jetkizbegeni, sonymen qatar shyǵynǵa jol bergeni úshin normativtik turǵyda jaýapkershilik qarastyrý usynylyp otyr», - dedi Álihan Smaiylov.
Birinshi vitse-premer qarjy institýttarynda buǵattalǵan kepildik aktivterdi ekonomikalyq ainalymǵa qaitarý týraly zań jobasy ázirlenetindigin de aitty.
