ەلٸمٸزدەگٸ ۇلتتىق كومپانييالاردىڭ قىزمەتٸنە ساراپتاما جٷرگٸزٸلەدٸ. بۇل تۋرالى ٷكٸمەت ٷيٸندە ٶتكەن بريفينگٸدە قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆ ايتتى, دەپ حابارلايدى قازاقپارات.
«پرەزيدەنت كۆازيمەملەكەتتٸك سەكتوردىڭ جەكەلەگەن سۋبەكتٸلەرٸنٸڭ جۇمسالعان شىعىندى اقتاماۋ پروبلەماسىن شەشۋ بويىنشا تاپسىرما جٷكتەدٸ. بۇل باعىتتا ەسەپ كوميتەتٸمەن بٸرگە ەربٸر ۇلتتىق كومپانييا مەن مەملەكەتتٸك كەسٸپورىن قىزمەتٸنە قاجەتتٸ ساراپتاما جٷرگٸزٸلەدٸ. بۇعان قوسا, كۆازيمەملەكەتتٸك سەكتورداعى كومپانييالاردىڭ بٸرٸنشٸ باسشىلارىنا دامۋ جوسپارىنداعى كٶرسەتكٸشتەرگە قول جەتكٸزبەگەنٸ, سونىمەن قاتار شىعىنعا جول بەرگەنٸ ٷشٸن نورماتيۆتٸك تۇرعىدا جاۋاپكەرشٸلٸك قاراستىرۋ ۇسىنىلىپ وتىر», - دەدٸ ەليحان سمايىلوۆ.
بٸرٸنشٸ ۆيتسە-پرەمەر قارجى ينستيتۋتتارىندا بۇعاتتالعان كەپٸلدٸك اكتيۆتەردٸ ەكونوميكالىق اينالىمعا قايتارۋ تۋرالى زاڭ جوباسى ەزٸرلەنەتٸندٸگٸن دە ايتتى.
