«Damý» kásipkerlikti damytý qory» AQ-na jańa basshy taǵaiyndaldy, dep habarlaidy "Ult aqparat" «Báiterek» ulttyq basqarýshy holdingi» AQ baspasóz qyzmetine silteme jasap.
«Jalǵyz aktsioner bolyp tabylatyn «Báiterek» ulttyq basqarýshy holdingi» AQ-nyń sheshimimen «Damý» kásipkerlikti damytý qory» AQ basqarmasynyń tóraiymy jáne Direktorlar keńesiniń múshesi bolyp 29 sáýirinen bastap Gaýhar Bóribaeva sailandy», delingen habarlamada.
Gaýhar Asylbekqyzy Qazaq memlekettik zań ýniversitetin (quqyqtaný), Gýmilev atyndaǵy Eýraziia ulttyq ýniversitetin (qarjy), The London College UCK (biznes menedjment salasyndaǵy magistr) bitirgen.
Eńbek jolyn 2003 jyly Ońtústik Koreianyń GreenIntegrated LogisticsCo.LTD kólik kompaniiasynda menedjer bolyp bastady.
Ár jyldary QR Aýyl sharýashylyǵy ministrliginiń «Azyq-túlik kelisim-shart korporatsiiasy» AQ-da, «Qazaqstannyń Damý banki» AQ-da, «Samuryq-Qazyna Invest» JShS-da, «Alians Bank» AQ-da, «Ulttyq kóliktik logistikany damytý ortalyǵy» AQ-da (qazirgi «QTJ Express» AQ), «QTJ» UK» AQ filialynda jumys istegen.
2013 jyly tamyzdan 2017 jyly naýryzǵa deiin - QR Prezidenti Is basqarmasynyń vedomstvolyq baǵynysty uiymynyń qarjy-ekonomikalyq máseleleri jónindegi vitse-prezidenti.
2017 jylǵy naýryzdan 2018 jylǵy maýsymǵa deiin «Damý» qory Ákimshilik departamentiniń direktory, Basqarýshy direktory qyzmetterin atqardy.
2018 jylǵy maýsymnan bastap «Damý» qorynyń Basqarma tóraǵasynyń orynbasary laýazymynda bolǵan.
Eske sala ketsek, «Damý» qoryn buǵan deiin basqarǵan Sarqulov Abai Serikuly «Báiterek» UBH» AQ Basqarmasynyń sheshimimen «Qazaqstannyń Damý Banki» AQ Basqarmasynyń tóraǵasy bolyp sailandy.
