«Damý» qory aýyl sharýashylyǵy ónimin óndirýshilerdiń nesiesine kepildik beredi. Bul týraly Úkimet otyrysynda «Atameken» ulttyq kásipkerler palatasynyń basqarma tóraǵasy Abylai Myrzahmetov aitty, dep habarlaidy "Ult aqparat".
«Qarapaiym zattar ekonomikasy» baǵdarlamasy aiasynda 400 mlrd teńge óńdeý, iaǵni shikizattyq emes salaǵa baǵyttalǵan. Oǵan kórsetkishi jaqsy, somasy 326 mlrd teńgeden asatyn jobalar qabyldanǵan. Atalǵan 400 mlrd teńge somanyń 81,6 paiyzyn quraidy. Negizgi salalardyń barlyǵy qamtylǵan. Aýyl sharýashylyǵy salasyn aitar bolsaq, oǵan 300 mlrd teńge bólingen. 139,9 mlrd teńgeniń jobalary qamtylǵan. 270 mlrd teńge aýyl sharýashylyǵy shikizatyn óndirýge berilgen. Kórsetkish - 46,2 paiyz», - dedi Abylai Myrzahmetov.
Onyń aitýynsha, bul salaǵa nesieniń 93 paiyzy «QazAgro» tarapynan beriledi.
Al ekinshi deńgeili bankter kepildiktiń jetpeýine bailanysty nesie berýde belsendilik tanytpai otyr.
«Jalpy, baǵdarlamaǵa 7 márte júieli ózgertýler engizilip, onyń oń damýyna barlyq jaǵdai jasaldy. Joǵaryda kepildik berý problema bolǵanyn aitqan edik. Sizdiń tapsyrmańyzben endi «Damý» qory kepildik beretin bolyp otyr. Iaǵni, kelisim boiynsha 1 mlrd teńgege deiingi nesiege «Damý» qory kepildik beredi. Al 1 mlrd teńgeden joǵary jobalarǵa somanyń 50 paiyzyna deiingi kepildikti de «Damý» qory usynady. Mundai jait ekinshi deńgeili bankterdiń aýyl sharýashylyǵy salasyna nesie berýin jandandyrady dep oilaimyn», - dedi ol.
