"Qurlyqtyq hokkei ligasyna endi qosylǵan "Kýnlýn Red Star" komandasy Astanada QR Prezidenti Kýbogi jolyndaǵy jarysta «Barys» komandasyna qarsy oinaýdan bas tartty", - dep habarlaidy Ult.kz tilshisi.
Beijińnen kelgen hokkeishiler men jergilikti «Barys» arasyndaǵy kezdesý jappai tóbelesten bastaldy. Saldarynan «Barys» klýbynyń eki hokkeishisi Damir Ryspaev pen Madiiar Ibraibekov macht sońyna deiin shettetildi. Óz kezeginde, tóbeleste qatty soqqy jegen qytailyq "Kýnlýn Red Star" komandasyna machty ary qarai jalǵastyrýdan bas tartqany úshin 5:0 esebimen jeńilis jazyldy.
Osylaisha, astanalyqtar Dastin Boid úshin ese qaitarǵanǵa uqsaidy. Este bolsa, 5 tamyzda «Barys» komandasynyń shabýylshysy Dastin Boid "Kýnlýn Red Star" hokkeishilerine qarsy bolǵan oiynda aiaǵyn syndyryp alǵan bolatyn. Sol oiynda dórekilikpen erekshe kózge túsken qytailyqtar jeńiske de jetken edi. Osynyń kesirinen «Barystyń» 41-shi nómirli oiynshysy 4 aiǵa deiin jarys jolynan shyǵyp qaldy.
