"قۇرلىقتىق حوككەي ليگاسىنا ەندٸ قوسىلعان "كۋنلۋن رەد ستار" كومانداسى استانادا قر پرەزيدەنتٸ كۋبوگٸ جولىنداعى جارىستا «بارىس» كومانداسىنا قارسى ويناۋدان باس تارتتى", - دەپ حابارلايدى ۇلت.كز تٸلشٸسٸ.
بەيجٸڭنەن كەلگەن حوككەيشٸلەر مەن جەرگٸلٸكتٸ «بارىس» اراسىنداعى كەزدەسۋ جاپپاي تٶبەلەستەن باستالدى. سالدارىنان «بارىس» كلۋبىنىڭ ەكٸ حوككەيشٸسٸ دامير رىسپاەۆ پەن مادييار يبرايبەكوۆ ماچت سوڭىنا دەيٸن شەتتەتٸلدٸ. ٶز كەزەگٸندە, تٶبەلەستە قاتتى سوققى جەگەن قىتايلىق "كۋنلۋن رەد ستار" كومانداسىنا ماچتى ارى قاراي جالعاستىرۋدان باس تارتقانى ٷشٸن 5:0 ەسەبٸمەن جەڭٸلٸس جازىلدى.
وسىلايشا, استانالىقتار داستين بويد ٷشٸن ەسە قايتارعانعا ۇقسايدى. ەستە بولسا, 5 تامىزدا «بارىس» كومانداسىنىڭ شابۋىلشىسى داستين بويد "كۋنلۋن رەد ستار" حوككەيشٸلەرٸنە قارسى بولعان ويىندا اياعىن سىندىرىپ العان بولاتىن. سول ويىندا دٶرەكٸلٸكپەن ەرەكشە كٶزگە تٷسكەن قىتايلىقتار جەڭٸسكە دە جەتكەن ەدٸ. وسىنىڭ كەسٸرٸنەن «بارىستىڭ» 41-شٸ نٶمٸرلٸ ويىنشىسى 4 ايعا دەيٸن جارىس جولىنان شىعىپ قالدى.
