Reseidiń atynan óner kórsetetin qazaq sportshysy Damir Ismagýlovtyń UFC uiymyndaǵy kelesi qarsylasy anyqtaldy, dep jazady Vesti.kz tilshisi.
Ismagýlov kelesi kezdesýin aqpan aiynyń ortasynda ótkizedi. Onyń qarsylasy aýǵanstandyq Nasrat Hakparast (13-4) bolady. Qolda bar aqparat boiynsha, aiqas 19 aqpan kúni Las-Vegas (Nevada shtaty, AQSh) qalasynda ótpek.
Áý basta Hakparast kanadalyq Djon Makdessimen (18-7) kezdesýi kerek edi. Alaida, ótken aptada 36 jastaǵy faiter operatsiia jasatyp, sol úshin jekpe-jekke shyǵa almaityn boldy.
Endi Makdessidiń ornyn Ismagýlov basady. 30 jastaǵy qazaq sportshysy UFC uiymynda tórt kezdesý ótkizip, tórteýinde de jeńiske jetken. Qazan aiynyń sońynda Damir besinshi kezdesýin ótkizýi kerek bolatyn. Biraq salmaq qýý kezinde densaýlyǵy syr berip, jekpe-jekten bas tartty.
Aita keteiik, 2021 jyly 26 jastaǵy Hakparasttyń densaýlyǵy nasharlap, onyń qańtar aiyndaǵy Arman Tsarýkianmen kezdesýi ótpei qaldy. Al sońǵy kezdesýin aýǵanstandyq Jańa Zelandiia eliniń ókili Den Hýkerge (21-11) qarsy ótkizip, jeńilip qaldy.
2022 jyldyń aqpan aiynda UFC eki iri týrnir ótkizbekshi. Onyń ekeýinde de qazaq sportshylary qatysady. Tarqatyp aitsaq, 5 aqpan kúni Las-Vegas qalasynda Shavkat Rahmonov (14-0) kezdesýin ótkizse, 12 aqpan kúni Hiýstonda (Tehas shtaty, AQSh) UFC 271 týrnirinde Sergei Morozov (17-5) óner kórsetedi.
