Memleket basshysy Qasym-Jomart Toqaev Ulttyq ekonomika ministri Rýslan Dálenovti qabyldady, dep habarlaidy "Ult aqparat" Aqordaǵa silteme jasap.
Prezidentke ekonomikalyq ósimdi qalpyna keltirýge jáne azamattardyń ál-aýqatyn arttyrýǵa baǵyttalǵan Qazaqstannyń jańa ekonomikalyq baǵdarynyń negizgi qaǵidalaryn júzege asyrý jaiynda baiandaldy.
Qasym-Jomart Toqaevqa ekonomikany basqaratyn qurylymdardy jáne memlekettik-jekemenshik seriktestiktiń mehanizmderin jetildirý, investitsiia tartý sharalary jóninde málimet berildi. Sonymen qatar áleýmettik nysandar salý jáne turǵyn úi-kommýnaldyq sektordy jańǵyrtý máseleleri sóz boldy.
Memleket basshysy aýyldyq jerlerdi damytýdyń perspektivalaryna, sonyń ishinde «Aýyl – el besigi» jobasyna erekshe nazar aýdardy. Osy bastamanyń aiasynda bes jyl ishinde 3500 aýyldy jańǵyrtý kózdelýde. Prezident aýyldyq jerlerdegi infraqurylymnyń sapasyn qalalyq deńgeidegi standartqa jaqyndatýdy tapsyrdy.
Kezdesý barysynda mikro jáne shaǵyn biznesti tekserýge jariialanǵan moratorii úsh jyl ishinde 100 myńǵa jýyq tekseris júrgizýdi boldyrmaýǵa múmkindik beretini atap ótildi. Bul biznesti retke keltirý isiniń jańa paraǵyn ashýǵa oń yqpal etedi.
Qasym-Jomart Toqaev ministrge biznes júrgizý isin retteýdi jáne salyq salýdy jeńildetý jóninde birqatar tapsyrma berdi.
