Tibettiń rýhani kósemi Dalai Lama kúni Úndistannyń soltústigindegi Dharmsala degen qalada koronavirýs vaktsinasynyń alǵashqy dozasyn saldyrdy.
85 jastaǵy Dalai Lama ekpe alǵan soń adamdardy vaktsinalanýǵa shaqyrdy.
"Aýyr jaǵdaidyń aldyn alýda ekpe óte paidaly" dedi ol.
Ekpe salynǵan aimaqtyq aýrýhananyń dárigeri G.D. Gýpta Dalai Lamanyń vaktsina salǵan soń 30 minýt boiy baqylaýda bolǵanyn» aitty.
«Ol aýrýhanaǵa qatardaǵy azamat retinde kelip, ózine ekpe saldyrýdy usyndy» dedi ol.
Gýptanyń sózinshe, ekpe Dalai Lamanyń rezidentsiiasynda turatyn 10 adamǵa da salynǵan. Olardyń bárine Okcford ýniversiteti men britaniialyq farmatsevtika kompaniiasy AstraZeneca ázirlegen «Kovishild» (Covishield) vaktsinasyn salǵan. Vaktsinany Úndistandaǵy Sarysý institýty (Serum Institute) óndirgen.
Dalai Lama 1959 jyldan beri Dharmsalada turady. Ol bul qalaǵa Tibettegi Qytai biligine qarsy sátsiz kóterilisten keiin kelgen.
Qytai úkimeti qýǵyndaǵy Tibet úkimetin moiyndamaidy jáne Dalai Lamany Tibetti Qytaidan bólip alǵysy keledi dep aiyptaidy.
Dalai Lama separatizm aiybyn joqqa shyǵaryp, jai ǵana eleýli avtonomiia men aimaqtaǵy baiyrǵy Býddistik mádenietti qorǵaýdy qoldaitynyn aitady.
Úndistanda koronavirýspen 11 millionnan astam naýqas tirkeldi. Aýrýdan 157 myńnan astam qaitys boldy. Koronavirýspen tirkelgen naýqastar men Covid ólimi jóninen Úndistan AQSh-tan keiingi ekinshi orynda. Elde qańtar aiynan bastap koronavirýs vaktsinasyn egý naýqany bastaldy. Alǵashqyda ekpe densaýlyq saqtaý salasynyń mamandaryna egilgen. Osy aidyń basynan vaktsinalaýmen egde jastaǵy azamattar men densaýlyǵy múshkil adamdar qamtyla bastady.
