Jergilikti monitoringtik top qyzmetkerleriniń tekserisi kezinde ustalǵan Qairat Nurtas toi ústindegi daýly videosyna qatysty pikir bildirdi. Bul týraly ol Instagram jelisindegi Stories-te jariialaǵan beinejazbasynda aitty.
"Assalaýmaǵaleikúm, qalaisyzdar. Keshe bir aǵamyzdyń týǵan kúnine baryp edik. Sol dál meni ustaǵysy keldi me, bilmeimin áiteýir, maǵan qarap qaldy ma, biraq Allanyń kózi týra bolsyn. Qudai bar ǵoi. Jaqsylyq bolsyn", - dep qysqa ǵana pikir bildirdi ánshi.
Aita keteiik, Almaty.tv telearnasy meiramhanada kóńil kótergen Qairat Nurtas pen Kenjebek Janábilov týraly siýjet jariialaǵan. Qalada mereke kúnderi jumysyn toqtatpaǵan taǵy bir meiramhana anyqtalǵanyn habarlap, monitoringtik top pen qalalyq shtabtyń mamandary birlesip, kóńil kóterý mekemesiniń ishine 3 saǵat degende ázer kirgen bolatyn. Mekeme ishinde Qairat Nurtas bolǵany anyqtalǵan edi.
Eske salaiyq, Almatyda koronavirýs juqtyrǵandar sany 31 307-ge jetti. Onyń ishinde, 26 169 adam aýrýdan aiyqqan.
