Reseidiń Qorǵanys ministrligi "Islam memleketi" uiymy (Qazaqstanda tyiym salynǵan terroristik top) sodyrlarynyń Siriianyń ejelgi Palmiradaǵy qiratqan nysandaryn túsirilgen videony jariialady, - dep habarlaidy RIA Novosti.
Basylymnyń málimetinshe, Palmira men onyń mańyndaǵy aýdandardy baqylaý barysynda kameraǵa Palmiranyń basty kórikti jerleri - Rim amfiteatri men tetrapilonyń qiraǵany túsirilgen.
Videodaǵy kadrlardan lańkesterdiń Rim teatrynyń ortalyq bóligi men tetrapilonnyń baǵanalaryn (270 jyly salynǵan tikburyshty ǵimarat) jaryp jibergeni kórinedi.
Ekstremisterdiń ejelgi Palmiraǵa birinshi ret jasaǵan shabýylynan keiin ǵimarattardyń 80 paiyzy qiramai bútin qalǵan delinedi. Sondai-aq, lańkesterdiń qolynan Salah ad-Din ǵimaraty men ulttyq mýzeidiń búlingeni aitylady.
Basylymnyń málimetinshe, lańkester 2016 jyldyń jeltoqsanynda qalaǵa qaitadan shabýyl jasap, tarihi ǵimarattardy qiratpaq bolǵan. Al qańtar aiynda Siriiadaǵy aqparat quraldary jańadan qiraǵan ǵimarattar jaily málimetterdi keltirgen edi.
