رەسەيدٸڭ قورعانىس مينيسترلٸگٸ "يسلام مەملەكەتٸ" ۇيىمى (قازاقستاندا تىيىم سالىنعان تەرروريستٸك توپ) سودىرلارىنىڭ سيرييانىڭ ەجەلگٸ پالميراداعى قيراتقان نىساندارىن تٷسٸرٸلگەن ۆيدەونى جارييالادى, - دەپ حابارلايدى ريا نوۆوستي.
باسىلىمنىڭ مەلٸمەتٸنشە, پالميرا مەن ونىڭ ماڭىنداعى اۋدانداردى باقىلاۋ بارىسىندا كامەراعا پالميرانىڭ باستى كٶرٸكتٸ جەرلەرٸ - ريم امفيتەاترٸ مەن تەتراپيلونىڭ قيراعانى تٷسٸرٸلگەن.
ۆيدەوداعى كادرلاردان لاڭكەستەردٸڭ ريم تەاترىنىڭ ورتالىق بٶلٸگٸ مەن تەتراپيلوننىڭ باعانالارىن (270 جىلى سالىنعان تٸكبۇرىشتى عيمارات) جارىپ جٸبەرگەنٸ كٶرٸنەدٸ.
ەكسترەميستەردٸڭ ەجەلگٸ پالميراعا بٸرٸنشٸ رەت جاساعان شابۋىلىنان كەيٸن عيماراتتاردىڭ 80 پايىزى قيراماي بٷتٸن قالعان دەلٸنەدٸ. سونداي-اق, لاڭكەستەردٸڭ قولىنان سالاح اد-دين عيماراتى مەن ۇلتتىق مۋزەيدٸڭ بٷلٸنگەنٸ ايتىلادى.
باسىلىمنىڭ مەلٸمەتٸنشە, لاڭكەستەر 2016 جىلدىڭ جەلتوقسانىندا قالاعا قايتادان شابۋىل جاساپ, تاريحي عيماراتتاردى قيراتپاق بولعان. ال قاڭتار ايىندا سيريياداعى اقپارات قۇرالدارى جاڭادان قيراعان عيماراتتار جايلى مەلٸمەتتەردٸ كەلتٸرگەن ەدٸ.
