«Islam memleketi» ekstremistik toby (DAISh - Qazaqstan jáne ózge de birqatar memleketterde tyiym salynǵan) Parij ortalyǵyndaǵy Elisei alańynda bir politseidi óltirip, eki adamdy jaralaǵan qaskói «óz jaýyngerleriniń» biri bolyp tabylatynyn málim etti, dep habarlady Bi-Bi-Si Orys qyzmeti.
Parij prokýrory Fransýa Molen shabýyl jasaýshynyń tulǵasy anyqtalǵanyn, biraq onyń sybailastarynyń bar-joǵy belgili bolmaiynsha, esimi jariialanbaitynyn atap ótti. Onyń Parij shyǵysyndaǵy úiinde tintý jumystary júrip jatyr.
«Islam memleketi» atynan jariialanǵan málimdemede Elisei alańyndaǵy shabýyldy belgiialyq Ábý Iýseftiń jasaǵany aitylǵan.
Frantsiialyq BFMTV telearnasynyń habarlaýynsha, shabýyl jasaǵan er adam - 39 jastaǵy Frantsiia azamaty. Ol frantsýzdyq arnaiy qyzmetterge jaqsy tanys jáne ol politseilerdi óltirgisi keletin piǵyly týraly Telegram messendjerinde talqylap kelgen.
Frantsiiia prezidenti Fransýa Olland Elisei alańyndaǵy shabýyldy terrakt dep atady.
