Reseidiń Qorǵanys ministrligi DAISh (Qazaqstanda tyiym salynǵan uiym) lideri Ibragim Ábý-Bakr ál-Bagdadidiń Rakka qalasynda 28 mamyrda RF ÁǴK soqqylarynan óltirilgeni týraly málimetti jan-jaqty tekserip jatyr, - dep habarlaidy RIA Novosti.
"Jan-jaqty tekserilip jatqan málimet boiynsha, RF Áýe-ǵarysh kúshteri soqqy jasaǵan jiynda IM lideri Ibragim Ábý-Bakr ál-Bagdadi boldy, soqqy nátijesinde onyń kózi joiyldy", - delingen habarlamada.
Ál-Bagdadi 2014 jyldyń shildesinde DAISh Mosýl qalasyn basyp alǵan kezde Taiaý Shyǵysta "islam halifatyn" qurý týraly málimdeme jasaýy arqyly tanylǵan bolatyn. Sodan beri BAQ-tarda onyń kózi joiylǵany jaily habarlar taraǵan, alaida málimetter rastalmaǵan edi.
Al AQSh basqaratyn koalitsiia DAISh lideriniń RF ÁǴK soqqylarynan qaza bolǵan degen málimetti ázirshe rastai almaityny aitylady.
