Saltanatty jiyn barysynda Qazaqstannyń Táýelsizdik jyldardaǵy ekonomikadaǵy, syrtqy saiasattaǵy, aýyl sharýashylyǵyndaǵy, energetika, densaýlyq saqtaý, bilim berý jáne mádeniet salalaryndaǵy jetistikteri ataldy.
Quttyqtaý sózinde óńir basshysy Danial Ahmetov Shyǵys Qazaqstannyń shirek ǵasyrdaǵy kórsetkishterine toqtaldy.
- Táýelsizdik – qazaq halqynyń bostandyqqa umtylǵan asqaq armandary men qaitpas namysynyń jemisi. Táýelsizdik – jańa turpatty Qazaqstan memleketiniń, 25 jyl ishindegi barlyq tarihi jeńisteri men baǵa jetpes bailyqtarynyń bastaýy! Sondyqtan, ony, kózdiń qarashyǵyndai saqtap, bolashaqqa amanat etý - barshamyz úshin, qasterli paryz, - dep atap ótti ShQO ákimi.
Sonymen qatar shyǵysqazaqstandyqtardy Óskemen qalasyna jumys saparymen kelgen Qazaqstan Respýblikasynyń ishki ister ministri Qalmuhanmet Qasymov merekemen quttyqtady.
Saltanatty shara jergilikti ónepazdar jáne Qazaqstan Respýblikasynyń Halyq ártisi Roza Rymbaevanyń qatysýymen ótken merekelik kontsertpen jalǵasyn tapty.
