Foto: sport-pulse.kz
Qytaida Counter-Strike 2 (CS2) oiynynyń jańa jańartýy shyqqannan keiin bir stýdent óz-ózine qol jumsaǵany týraly aqparat tarady. Bul týraly áleýmettik jeli qoldanýshysy @eugenio8a8 jazdy.
«Qytailyq stýdent búgin CS2 oiynynyń jańa jańartylýyna bailanysty ǵimarattan sekirip, kóz jumdy», — dep habarlady ol óz jazbasynda.
Oiyn qaýymdastyǵynda bul jańalyq úlken kúizelis týdyrdy. Kóptegen qoldanýshylar oiyn úshin óz ómirin qiǵan jas jigittiń áreketin túsinbestikpen qabyldady.
Avtor jazbanyń sońynda barsha oiynshylarǵa úndeý tastady:
«Ótinemin, eger ózińizdi qatty kúizelgendei sezinseńiz nemese sýitsid týraly oi kelse — bireýmen sóilesińiz. Sizdiń ómirińiz aqshadan da, kez kelgen oiynnan da qymbat. Bulai jasamańyz... tipti ne aitarymdy da bilmeimin...»
Mamandardyń aitýynsha, oiyn indýstriiasy men kibersport jastar arasynda tanymal bolǵanymen, keide psihologiialyq qysym men táýeldilikke ákelýi múmkin. Sondyqtan mamandar ata-analardy, dostardy jáne qoǵamdy jastardyń emotsionaldyq jaǵdaiyna beijai qaramaýǵa shaqyrady.
