25 jeltoqsan kúni Qazaqstanda PTR testimen rastalǵan koronavirýs aýrýymen 753 naýqas, diagnozy aýrý belgileri boiynsha qoiylǵan koronavirýs pnevmoniiasymen 160 naýqas tirkeldi. Virýs juqtyrǵany Covid testimen rastalǵan naýqastar arasynda 10 kisi, koronavirýs pnevmoniiasy naýqastary arasynda 3 kisi qaitys boldy.
PTR testimen rastalǵan Covid naýqastary arasynda eleýli ózgerister Almaty qalasy men Pavlodar oblysynda baiqalyp otyr. Bir apta buryn, 19 jeltoqsan kúni 51 naýqas tirkelgen Almaty qalasynda ótken táýlikte 110 naýqas anyqtalǵan. Keiingi ailarda virýs juqtyrǵandardyń kúndelik sany júzden asyp, kósh basynda júrgen Pavlodar oblysynda ótken aptada aýrýdyń taraýy báseńdegendei kóringen. 23 jeltoqsan kúni 60 naýqas qana tirkelgen. Biraq búgin virýs juqtyrýshylar sany qaita artyp, 90-ǵa jetip otyr.
Koronavirýs juqtyrǵandardyń jalpy sany boiynsha birinshi orynǵa shyqqan Shyǵys Qazaqstan oblysynda táýlik ishinde tirkelgen naýqastar sany birtindep azaiyp keledi. 25 jeltoqsan kúni oblysta bar-joǵy 41 adam koronavirýspen tirkeldi. Bul – 28 qazannan bergi eń tómen kórsetkish.
Aimaqtar boiynsha jaǵdai mynadai:
Shyǵys Qazaqstan oblysynda - 18593 (+41 adam jańadan qosyldy),
Nur-Sultan qalasynda -18031(+59),
Almaty qalasynda - 17995(+110),
Atyraý oblysynda - 12885(+79),
Qaraǵandy oblysynda - 11874(+38),
Batys Qazaqstan oblysynda - 9001(+38),
Pavlodar oblysynda - 8698(+90),
Soltústik Qazaqstan oblysynda - 8278(+62),
Qostanai oblysynda - 7201(+64),
Aqmola oblysynda - 6917(+56),
Almaty oblysynda - 6786(+60),
Shymkent qalasynda -5483(+10),
Jambyl oblysynda - 4915(+15),
Aqtóbe oblysynda - 3658(+1),
Mańǵystaý oblysynda - 3646(+7),
Túrkistan oblysynda - 3623(+15),
Qyzylorda oblysynda - 3367(+8).
Qazaqstan úkimeti koronavirýs pnevmoniiasyna shaldyqqandardyń deregin aimaq boiynsha bólip kórsetpeidi.
Ótken táýlikte PTR testimen rastalǵan naýqastardyń 1481-i, koronavirýs pnevmoniiasyna shaldyqqandardyń 73-i jazylyp shyqqan.
Osymen PTR testimen rastalǵan koronavirýs naýqastarynyń jalpy sany 150 951-ge jetip. Aýrýdan barlyǵy 137 846 adam jazylǵan, 2239 adam qaitys bolǵan. Buǵan koronavirýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmeidi.
Koronavirýs pnevmoniiasyna 1 tamyzdan beri 45 265 adam shaldyqqan. Onyń 32 669-y aiyqqan, 489-y qaitys bolǵan.
26 jeltoqsandaǵy málimet boiynsha, 22 973 adam koronovirýs infektsiiasynan (10 866 KVI+ jáne 12 107 KVI) emdelip jatyr.
Olardyń ishinde 4 773 patsient statsionarda, 18 200 naýqas ambýlatoriialyq jaǵdaida em qabyldaýda.
KVI+, KVI- shaldyqqandardyń arasynda:
• 251 adamnyń jaǵdaiy aýyr;
• 48 patsienttiń jaǵdaiy óte aýyr;
• 40 naýqas ÓJJ apparatynda jatyr.
