20 jeltoqsan kúni Qazaqstanda koronavirýs juqqany arnaiy testpen rastalǵan 652 adam anyqtaldy, 29 adamǵa koronavirýs pnevmoniiasy diagnozy qoiyldy. Bir kúnde 8 adam - koronavirýstan, 1 adam koronavirýs pnevmoniiasynan qaitys boldy.
Ótken táýlikte Pavlodar oblysynda - 75, Almaty qalasynda - 72, Shyǵys Qazaqstan oblysynda - 68, Qostanai oblysynda - 65, Soltústik Qazaqstan oblysynda - 63, Aqmola oblysynda - 58, Nur-Sultan qalasynda 58 adamnan koronavirýs infektsiiasy anyqtalǵan.
Naýryz aiynan beri 147 236 adamǵa koronavirýs juqqany testpen rastalǵan. Sodan beri 131 606 adam jazyldy. 2 194 adam qaitys boldy. Covid ólimi deregine koronaviýs juqtyrǵany rastalǵan, biraq "ilespe aýrýdan qaitys boldy" degen júzdegen adam kirmegen.
Qazaqstan úkimeti 1 tamyzdan beri PTR testimen rastalmaǵan, diagnozy aýrý belgileri boiynsha qoiylǵan koronavirýs pnevmoniiasynyń esebin júrgizip keledi. Pnevmoniianyń bul túrine tamyzdyń basynan 20 jeltoqsanǵa deiin 44 414 adam shaldyqqan, 475-i qaitys bolǵan.
Densaýlyq saqtaý ministrliginiń aqparatyna sensek, 21 jeltoqsandaǵy jaǵdai boiynsha elimizde 25 147 adam koronovirýs infektsiiasynan (13 436 KVI+ jáne 11 711 KVI) emdelýde, olardyń ishinde 4 375 patsient statsionarda, 20 772 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 249 adamnyń jaǵdaiy aýyr;
• 47 patsienttiń jaǵdaiy óte aýyr;
• 43 naýqas ÓJJ apparatynda jatyr.
