Koronavirýs juqqany testpen rastalǵan naýqastar taǵy 1 100 adamǵa kóbeidi. Koronavirýs pnevmoniiasyna shaldyqqan 63 adam tirkelgen. 14 adam qaitys bolǵan: 11 adam – koronavirýstan, 3 adam koronavirýs pnevmoniiasynan qaitys bolǵan dep aitylady. Densaýlyq saqtaý ministrliginiń 26 naýryz kúngi habarlamasynda osyndai málimet kórsetilgen.
Koronavirýs testi oń shyqqan naýqastardyń táýliktik kórsetkishi jóninen Almaty qalasy alda tur. 25 naýryzda eldegi eń iri qalada 330 naýqas tirkelgen. Ekinshi orynda turǵan Nur-Sultanda mundai naýqastar 185 adamǵa kóbeigen.
Almaty oblysynda — 108, Qaraǵandy oblysynda – 98, Atyraý oblysynda – 82, Aqtóbe oblysynda — 54, Aqmola oblysynda — 50, Batys Qazaqstan oblysynda — 48, Qostanai oblysynda — 40, Shymkent qalasynda — 35, Pavlodar oblysynda — 28, Shyǵys Qazaqstan oblysynda — 19, Jambyl oblysynda — 12, Soltústik Qazaqstan oblysynda — 7, Mańǵystaý oblysynda – 2, Túrkistan oblysynda 2 adamnyń koronavirýs testi oń shyqqan. Beisenbi kúni Qyzylorda oblysynda naýqas tirkelmegen.
Resmi málimet boiynsha, 2020 jyldyń naýryz aiynan beri elde 237 300 adamnyń koronavirýs testi oń shyqqan. 1 tamyzdan beri 50 215 adam koronavirýs pnevmoniiasyna shaldyqqan dep aitylady.
Indet bastalǵaly beri elde 2 963 adam koronavirýs infektsiiasynan qaitys bolǵan. Arnaiy komissiia shamamen myń adamnyń ólimin Covid statistikasyna engizbegen. Olardyń aitýynsha, naýqastardan koronavirýs anyqtalǵanmen olardyń ólimine Covid emes, basqa aýrý sebep bolǵan. 1 tamyzdan beri koronavirýs pnevmoniiasy 672 adamnyń ólimine sebep boldy dep aitylady.
Densaýlyq saqtaý ministrliginiń málimetinshe, qazir 22 131 adam koronavirýstan emdelip jatyr. 321 naýqastyń jaǵdaiy aýyr, 75 adamnyń jaǵdaýy óte aýyr, 47 naýqas jasandy tynys apparatyna qosylǵan.
Amerikalyq Djons Hopkins ýniversitetiniń málimetinshe, álemde koronavirýs juqtyrǵandar 125,4 mln adamǵa jetken, shamamen 71 milliony jazylǵan, 2,7 mln adam qaitys bolǵan.
