29 jeltoqsanda Qazaqstanda 726 adamǵa koronavirýs juqqany testpen rastaldy. 170 adamǵa koronavirýs pnevmoniiasy diagnozy qoiyldy. Bir kúnde Covid pen pnevmoniiadan 12 adam qaitys boldy: 7 adam - koronavirýstan, 5 adam koronavirýs pnevmoniiasynan kóz jumǵan. Densaýlyq saqtaý ministrliginiń 30 jeltoqsan kúngi habarlamasynda osyndai málimet jazylǵan.
Eń kóp naýqas Nur-Sultanda (107) tirkelgen. Almaty qalasynda - 81, Pavlodar oblysynda - 65, Almaty oblysynda - 61, Atyraý oblysynda - 60, Qostanai oblysynda - 60, Soltústik Qazaqstan oblysynda - 58, Aqmola oblysynda - 54, Shyǵys Qazaqstan oblysynda - 48, Batys Qazaqstan oblysynda - 43, Qaraǵandy oblysynda 40 adamnan koronavirýs infektsiiasy anyqtalǵan. Jambyl oblysynda - 15, Mańǵystaý oblysynda 11 naýqas tirkelgen. Qalǵan oblystar men qalalarda bir táýlik ishinde anyqtalǵan naýqastar 10-ǵa jetpeidi. Bir kúnde 1 047 naýqas jazylǵan.
Naýryz aiynan beri 153 925 adamǵa koronavirýs juqqany testpen rastalǵan, 2 274-i qaitys bolǵan. 141 731 adam aiyqqan.
Koronavirýsqa uqsas pnevmoniiaǵa shaldyqqandardy densaýlyq saqtaý ministrligi 1 tamyzdan beri esepke alyp keledi. Oǵan deiin qansha adamnyń koronavirýs pnevmoniiasymen aýyrǵany belgisiz. Ol jaily málimet jariialanbady. 1 tamyzdan beri 45 630 adamnan koronavirýs pnevmoniiasy anyqtalǵan, 498-i qaitys bolǵan.
Qazir koronavirýs pen koronavirýs pnevmoniiasynan 22 myńnan astam adam emdelip jatyr. 9 920 adamnyń Covid testi oń nátije kórsetken. 257 naýqastyń jaǵdaiy aýyr. Dárigerler 45 adamnyń jaǵdaiyn óte aýyr dep baǵalaidy. 41 naýqas jasandy tynys apparatyna qosylǵan.
Djons Hopkins ýniversitetiniń málimeti boiynsha, álemde Covid-ke shaldyqqandar 81,9 millionnan adamnan asty. 1 mln 787 myń adam adam qaitys boldy. 46,2 million adam aýrýdan jazylǵan.
