Almaty men Nur-Sultan qalalarynda úsh myń ekspress-test alyndy. Bul týraly OKQ-da onlain rejimde ótken baspasóz máslihatynda QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Liýdmila Biýrabekova málim etti, dep habarlaidy QazAqparat.
«Koronavirýs boiynsha ekspress-test Almaty men Nur-Sultan qalalarynda júrgizilip jatyr. Sonymen qatar shekaralardaǵy sanitarlyq-ótkizý pýnkteriniń bári de ekspress-testpen qamtamasyz etilgen. Ol jerde kirgenderdiń bárine ekspress-test júrgiziledi. Odan bólek bizdiń metsenattardyń qarajatymen 270 myń test satyp alynǵan bolatyn», - dedi Liýdmila Biýrabekova.
Komitet tóraǵasynyń aitýyna qaraǵanda, Densaýlyq saqtaý ministrligi ekspress-testten ótýi tiis azamattardyń sanatyn aiqyndap, bekitip qoiǵan.
«Búgingi kúni 3 136 ekspres-test júrgizildi. Onyń 354-i Qazaqstannyń avtokólik beketterinde, 2782-i meditsinalyq uiymdarda jasaldy. 64 adamda antideneniń bary anyqtaldy. Iaǵni, olardyń bári koronavirýs infektsiiasymen aýyryp, jazylyp ketkender. Olardy endi ary qarai bekitilgen algoritm boiynsha PTR-testten ótkizemiz», - deidi ol.
Eske sala ketsek, «Olimp» klinikalyq-diagnostikalyq zerthanalary 13 sáýirden bastap Nur-Sultan men Almaty qalalarynda koronavirýs boiynsha tegin testen ótýge bolatynyn jariia etken bolatyn.
