الماتى مەن نۇر-سۇلتان قالالارىندا ٷش مىڭ ەكسپرەسس-تەست الىندى. بۇل تۋرالى وكق-دا ونلاين رەجيمدە ٶتكەن باسپاسٶز مەسليحاتىندا قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى ليۋدميلا بيۋرابەكوۆا مەلٸم ەتتٸ, دەپ حابارلايدى قازاقپارات.
«كوروناۆيرۋس بويىنشا ەكسپرەسس-تەست الماتى مەن نۇر-سۇلتان قالالارىندا جٷرگٸزٸلٸپ جاتىر. سونىمەن قاتار شەكارالارداعى سانيتارلىق-ٶتكٸزۋ پۋنكتەرٸنٸڭ بەرٸ دە ەكسپرەسس-تەستپەن قامتاماسىز ەتٸلگەن. ول جەردە كٸرگەندەردٸڭ بەرٸنە ەكسپرەسس-تەست جٷرگٸزٸلەدٸ. ودان بٶلەك بٸزدٸڭ مەتسەناتتاردىڭ قاراجاتىمەن 270 مىڭ تەست ساتىپ الىنعان بولاتىن», - دەدٸ ليۋدميلا بيۋرابەكوۆا.
كوميتەت تٶراعاسىنىڭ ايتۋىنا قاراعاندا, دەنساۋلىق ساقتاۋ مينيسترلٸگٸ ەكسپرەسس-تەستتەن ٶتۋٸ تيٸس ازاماتتاردىڭ ساناتىن ايقىنداپ, بەكٸتٸپ قويعان.
«بٷگٸنگٸ كٷنٸ 3 136 ەكسپرەس-تەست جٷرگٸزٸلدٸ. ونىڭ 354-ٸ قازاقستاننىڭ اۆتوكٶلٸك بەكەتتەرٸندە, 2782-ٸ مەديتسينالىق ۇيىمداردا جاسالدى. 64 ادامدا انتيدەنەنٸڭ بارى انىقتالدى. ياعني, ولاردىڭ بەرٸ كوروناۆيرۋس ينفەكتسيياسىمەن اۋىرىپ, جازىلىپ كەتكەندەر. ولاردى ەندٸ ارى قاراي بەكٸتٸلگەن الگوريتم بويىنشا پتر-تەستتەن ٶتكٸزەمٸز», - دەيدٸ ول.
ەسكە سالا كەتسەك, «وليمپ» كلينيكالىق-دياگنوستيكالىق زەرتحانالارى 13 سەۋٸردەن باستاپ نۇر-سۇلتان مەن الماتى قالالارىندا كوروناۆيرۋس بويىنشا تەگٸن تەستەن ٶتۋگە بولاتىنىن جارييا ەتكەن بولاتىن.
