Almatyda «Suńqar» turǵyn úi kesheninen bólek, taǵy birneshe úi karantinge jabyldy. Bul aqparatty qala ákiminiń orynbasary Erjan Babaqumarov rastady, dep habarlaidy "Ult aqparat".
«Suńqar» turǵyn úi kesheninen bólek, Dostyq kóshesi, 42-úi, Dostyq, 42A, Qabanbai batyr, 68 mekenjaiyndaǵy úiler karantinge jabyldy. Aýla qorshaldy. Tórt baqylaý-ótkizý pýnkti qoiyldy. Bir ǵana D&D Market saýda orny jumys jasap tur», - delingen qala turǵyndarynan BAQ ókilderine jiberilgen aqparatta.
WhatsApp jelisindegi onlain-chatta tilshilerge bul málimetti qala ákiminiń orynbasary Erjan Babaqumarov rastady.
Aita keteiik, munyń aldynda qala ákimdigi koronavirýs oshaqtary anyqtalǵany týraly aqparatty joqqa shyǵarǵan bolatyn. Onda indet anyqtalǵan jáne tarap jatqan naqty mekenjailar men shaǵynaýdandar kórsetilgen edi.
Eske salsaq, keshe túnde Almatydaǵy «Suńqar» turǵyn úi kesheni naýqas turǵynnyń anyqtalýyna bailanysty karantinge jabyldy. Turǵyn úi kesheninen shyǵyp-kirýge ruqsat joq. Tek 1 ǵana azyq-túlik dúkeni jumys isteitin bolady.
