COVID-19 pandemiiasynyń aldyn alý maqsatynda Túrkistan oblysynyń ákimi Ómirzaq Shókeev keshendi qaýipsizdik sharalaryn qabyldady. Solardyń biri retinde 18 naýryzdan bastap Almaty jáne Qyzylorda baǵytyndaǵy shekaralyq aimaqtarda ornalasqan «Saýran» jáne «Shaqpaq» pýnkterinde táýlik boiǵy blokbeketter qoiyldy, dep habarlaidy "Ult aqparat".
Bul beketterde politsiia jáne meditsina mamandary árbir kólikti toqtatyp, arnaiy qurylǵymen azamattardyń dene qyzýlaryn ólshep, tekseristen ótkizýde.
«Atalǵan blokbeketterdiń júieli jumysynyń arqasynda Shymkent-Nur-Sultan baǵytyndaǵy (memlekettik tirkeý nómiri - kz 646 FNB, 13-óńir) avtobýsta koronavirýs juqtyrǵan azamatpen birge kelgen 56 adamnyń naqty deregi anyqtalyp otyr. Kóliktegi jolaýshylar týraly tolyq aqparatty Túrkistan oblysy Túlkibas aýdanyndaǵy Shaqpaq beketiniń qyzmetkerleri 20 naýryz kúni jazyp alǵan. Qazirgi kezde atalǵan azamattar oqshaýlanýǵa alyndy. Aldaǵy ýaqytta oblys turǵyndaryn saqtyq sharalaryn kúsheitip, salǵyrttyq tanytpaýǵa shaqyramyz», - dedi óńir ákimdiginen.
Jalpy, 18 naýryzdan bastap saqtyq maqsatynda Túrkistan oblysynyń shekaralyq ýchaskelerine 35 blokbeket qoiylǵan. Onyń ishinde 31-i eldi mekenderde, al 4-i temirjol vokzaly men stantsiialarda ornalasqan. Atalǵan beketterde búginde 37 meditsinalyq, politsiia qyzmetkerleri jumys isteýde.
Qazirgi tańda blokbeketterde politsiia men meditsina qyzmetkerleri kúsheitilgen jumys rejimine kóshken.
