3 tamyzda koronavirýstyq infektsiiany juqtyrýdyń 92 662 jaǵdaiy tirkeldi. Bul - joǵary kórsetkish, biraq onyń jartysynan kóbi jazylyp, aýrýhanalardan shyǵaryldy, bul - 62 511 adam. Tek sońǵy táýlikte 672 adam aýrýdan saýyqty jáne mundai jaqsy kórsetkishter baiaý bolsa da, ósip keledi. Densaýlyq saqtaý ministri Aleksei Tsoi Ortalyq kommýnikatsiialar qyzmetinde ótken brifingte osyndai derekterdi keltirdi.
Onyń aitýynsha, Batys Qazaqstan oblysynda, Almaty, Túrkistan, Qostanai, Aqmola jáne Mańǵystaý oblystarynda jaǵdai jaqsardy. Elordada saýyǵyp ketkenderdiń sany 73%-ǵa teń.
«Qazaqstanda KVI-men syrqattaný jaǵdaiy turaqtandy dep tolyq senimmen aita alamyz. Ony ózderińiz de baiqaǵan shyǵarsyzdar. Qiyn kezeń artta qaldy. Halqymyz óte aýyr synnan ótti. Bizdiń mindetimiz – osy jetistikterdi jaqsartý», - dedi A.Tsoi.
Ministr maska taǵý rejimin qatań saqtaý keregin taǵy da eske saldy. Biraq halyqaralyq tájiribeni eskere otyryp, 5 jasqa deiingi balalarǵa, saiabaqtarda sportpen shuǵyldanatyn jáne jazǵy kafelerde tamaqtanatyn eresekterdiń shaǵyn toptaryna maska kimeýge bolady.
«Sońǵy úsh aptanyń ishinde sanitarlyq talaptardyń kúsheitilýiniń arqasynda barlyq óńirlerde halyqtyń aýrýshańdyǵy aitarlyqtai tómendegeni baiqalady. El boiynsha ortasha alǵanda aýrýdyń táýliktik ósimi 2 esege jýyq kemidi. Taǵy bir aita keterlik jaǵymdy jańalyq, biz infektsiialyq jáne provizorlyq tósek-oryndar júktemesin azaita aldyq. Maýsym aiynda elimizdiń keibir aýrýhanalarynda qiyn jaǵdai oryn alǵany esterińizde bolar. Búgin statsionarlardyń 34% ǵana paidalanylýda. Buǵan tósek-orynqoryn 52 myńǵa deiin ulǵaitý arqyly qol jetkizildi», - dedi vedomstvo basshysy.
