Ulybritaniia Premer-ministri Boris Djonson COVID-19 virýsynan saýyǵyp, Daýning-strit, 10 mekenjaiyndaǵy rezidentsiiasyna oraldy, - dep habarlaidy QazAqparat DW agenttigine silteme jasap.
27 sáýirde koronavirýs infektsiiasymen aýyryp shyqqan Ulybritaniia premer-ministri qaýipti indetpen kúreske jaýapty ministrlermen otyrys ótkizedi dep josparlanǵan.
Sky News telearnasynyń habarlaýynsha, 27 sáýirde Úkimet basshysy qaitadan óz mindetterin oryndaýǵa kirisedi.
Djonson bir apta aýrýhanada jatty, sodan keiin eki apta qala syrtyndaǵy Bakingemshir grafyndaǵy Chekers rezidentsiiasynda emdeldi.
Worldometer volonterleri halyqaralyq tobynyń derekterinshe, elde 152 840 adam virýs juqtyrǵan, 20 732 adam qaitys bolǵan.
Eske sala keteiik, 55 jastaǵy britandyq premer naýryz aiynyń sońynda koronavirýs juqtyryp alǵan. Al 5 sáýirde aýrýhanaǵa jatqyzylǵan bolatyn. Kelesi kúni saiasatkerdiń jaǵdaiy nasharlap, qarqyndy terapiiaǵa aýystyryldy. 9 sáýirde premer aýrýhanadan shyqty.
