ۇلىبريتانييا پرەمەر-مينيسترٸ بوريس دجونسون COVID-19 ۆيرۋسىنان ساۋىعىپ, داۋنينگ-ستريت, 10 مەكەنجايىنداعى رەزيدەنتسيياسىنا ورالدى, - دەپ حابارلايدى قازاقپارات DW اگەنتتٸگٸنە سٸلتەمە جاساپ.
27 سەۋٸردە كوروناۆيرۋس ينفەكتسيياسىمەن اۋىرىپ شىققان ۇلىبريتانييا پرەمەر-مينيسترٸ قاۋٸپتٸ ٸندەتپەن كٷرەسكە جاۋاپتى مينيسترلەرمەن وتىرىس ٶتكٸزەدٸ دەپ جوسپارلانعان.
Sky News تەلەارناسىنىڭ حابارلاۋىنشا, 27 سەۋٸردە ٷكٸمەت باسشىسى قايتادان ٶز مٸندەتتەرٸن ورىنداۋعا كٸرٸسەدٸ.
دجونسون بٸر اپتا اۋرۋحانادا جاتتى, سودان كەيٸن ەكٸ اپتا قالا سىرتىنداعى باكينگەمشير گرافىنداعى چەكەرس رەزيدەنتسيياسىندا ەمدەلدٸ.
Worldometer ۆولونتەرلەرٸ حالىقارالىق توبىنىڭ دەرەكتەرٸنشە, ەلدە 152 840 ادام ۆيرۋس جۇقتىرعان, 20 732 ادام قايتىس بولعان.
ەسكە سالا كەتەيٸك, 55 جاستاعى بريتاندىق پرەمەر ناۋرىز ايىنىڭ سوڭىندا كوروناۆيرۋس جۇقتىرىپ العان. ال 5 سەۋٸردە اۋرۋحاناعا جاتقىزىلعان بولاتىن. كەلەسٸ كٷنٸ ساياساتكەردٸڭ جاعدايى ناشارلاپ, قارقىندى تەراپيياعا اۋىستىرىلدى. 9 سەۋٸردە پرەمەر اۋرۋحانادان شىقتى.
