Resei Federatsiiasy Úkimetiniń tóraǵasy Mihail Mishýstin «Digital Almaty 2021- Jahandyq ekonomikanyń tsifrlyq bolashaǵy» atty halyqaralyq forýmda qazirdiń ózinde keńinen taralǵan «COVID-19-syz saiahat» mobildi qosymshasy týraly málim etti, dep habarlaidy "Ult aqparat".
Spikerdiń aitýynsha, «COVID-19-syz saiahat» qosymshasy aldaǵy ýaqytta EAEO elderi arasyndaǵy týristik shekarany keńeitedi.
«Resei Federatsiiasy qosymshany 1 aqpannan bastap qoldanyp jatyr. Bul qosymshany barlyq memleket qoldanady dep senemin. Ol elder arasyndaǵy bailanysty nyǵaitady. Qazir Resei, Armeniia jáne Belarýs sátti paidalanyp jatyr», - dedi Mihail Mishýstin.
Saiahatqa shyǵatyn adam bul qosymshany telefonyna júktep alyp, tirkeledi. Ushaqpen ushýǵa 72 saǵat qalǵanda sonda belgilengen zerthananyń birinen testten ótedi. Eger test teris nátije kórsetse ol qosymshada kórsetiledi jáne QR-kodpen rastalyp, áýejaiǵa joldama beredi. Osylaisha azamat erkin saiahattaý múmkindigine ie bolady.
Mihail Mishýstin bul jańa qyzmetti paidalaný Qazaqstan úshin tsifrlandyrý salasyndaǵy taǵy bir tásil bolatynyn atap ótti.
«Baǵdarlamanyń artyqshylyǵy - test qorytyndysy teris nátije kórsetken jaǵdaida azamattar áýe kóligimen Resei Federatsiiasyna bara alady. Jaqyn arada Qazaqstan da osy qosymshany paidalanady dep senemin», - dedi Resei Federatsiiasy Úkimetiniń tóraǵasy Mihail Mishýstin.
