Naýryzdaǵy merekelik kúnderde buqaralyq is-sharalar ótkizilmeidi. Bul týraly QR Densaýlyq saqtaý vitse-ministri Ajar Ǵiniiat málim etti, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda naýryz aiyndaǵy merekelik kúnderde koronavirýsqa bailanysty qatań sharalar qabyldaý múmkindigi týraly suraldy. Osy oraida qalaaralyq nemese memleketaralyq áýe reisterdi shekteý engizý múmkindigi jaiynda saýal qoiyldy.
«Bul jaǵdai árbir óńirdegi epidemiologiialyq ahýalǵa bailanysty bolady. Sondyqtan ár óńirdiń bas sanitar dárigeri jergilikti jerdegi aýrýdyń taralýyna qatysty kórsetkishterdi nazarǵa alyp, ózderiniń qaýlysyn qabyldaidy. Barlyǵy qalypty bolsa, qazirgi tártipte jumystar jalǵasady. Biraq buqaralyq is-sharalar ótkizilmeidi. Árkim naýryzdy óz otbasynda toilaýy kerek», - dedi Ajar Ǵiniiat.
