QR Densaýlyq saqtaý vitse-ministri – Bas memlekettik sanitar dáriger Erlan Qiiasov eldegi epiemiologiialyq jaǵdaidy baiandady, dep habarlaidy "Ult aqparat".
«Qazaqstan Respýblikasynda 13 qańtardaǵy jaǵdai boiynsha COVID-19-ben aýyrǵan 164 477 naýqas (COVID+) jáne 46 499 naýqas (COVID-) tirkeldi. Naýqastardyń 87 paiyzy saýyǵyp shyqty, onyń ishinde 150 427 COVID+ jáne 34 118 COVID-19 naýqas bar. 13 qańtardaǵy jaǵdai boiynsha, aýrýhanalarda 5732 naýqas, al reanimatsiiada – 357 naýqas jatyr», - bas memlekettik sanitar Ortalyq kommýnikatsiialar qyzmetinde ótken brifingte.
Onyń aitýynsha, sońǵy aida koronavirýs infektsiiasy boiynsha epidjaǵdaijyń nasharlaýy baiqalyp otyr. QR «jasyl» aimaqtan «sary» aimaqqa aýysty. Sary aimaqtan «qyzyl» aimaqqa eki oblys – Qostanai jáne Aqmola oblystary aýystyryldy.
Qazirgi tańda «sary» aimaqta – Almaty, Nur-Sultan qalalary, SQO, Pavlodar, Atyraý oblystary bar. Sondai-aq, qańtar aiynda Batys Qazaqstan oblysy «jasyl» aimaqtan sary aimaqqa kóshirildi. Qalǵan óńirler - «jasyl» aimaqta.
«Sońǵy aida Atyraý oblysynda naýqas sanynyń 3,7 ese ósýi baiqalady. Almaty oblysynda – 1,8 ese, Qaraǵandy oblysy men Almaty qalasynda – 1,5 ese ósken. Mańǵystaý oblysynda – naýqastar sany 81-den 315 jaǵdaiǵa deiin, Túrkistan oblysynda – 102-den 256 jaǵdaiǵa deiin, Shymkent qalasynda 150-den 195 jaǵdaiǵa deiin, Qyzylorda oblysynda 48-den 135 jaǵdaiǵa deiin ósý baiqalady. Qalyptasqan epidemiologiialyq jaǵdai eskere otyryp, búgingi kúni halyqtyń kóp jinalýyn azaitýǵa baǵyttalǵan karantindik sharalardy kúsheitý qarastyrylyp jatyr», - dedi Erlan Qiiasov.
