Memlekettik komissiianyń jedel shtaby COVID-19 indeti boiynsha kimderdiń birinshi tekseriletinin málim etti, dep habarlaidy "Ult aqparat".
Jedel shtabtyń málimetteri boiynsha, alǵashqylardyń biri bolyp tekserýden:
koronavirýstyń taralýyn boldyrmaý jónindegi is-sharalarǵa qatysatyn adamdar,
jedel járdemniń, ambýlatoriialyq-emhana uiymdarynyń, statsionarlardyń qabyldaý bólmeleriniń meditsina qyzmetkerleri;
tynys alý organdarynyń aýyr sozylmaly aýrýlary bar, dispanserlik esepte turǵan adamdar;
naýqastarmen bailanysta bolǵan adamdar;
koronavirýstyń taralýyn boldyrmaý jónindegi is-sharalarǵa tartylǵan ortalyq jáne jergilikti memlekettik organdardyń qyzmetkerleri;
karantin aimaqtarynyń tynys-tirshiligin qamtamasyz etetin kásiporyndardyń qyzmetkerleri (kommýnaldyq qyzmetterdiń, azyq-túlik, dári-dármek satatyn saýda nysandarynyń, tamaq jetkizýmen ainalysatyn qoǵamdyq tamaqtaný obektileriniń, zararsyzdandyrý qyzmetin kórsetetin PIK qyzmetkerleri, kólik júrgizýshileri jáne t. b.)
Nur-Sultan jáne Almaty qalalarynda 220 000 adamǵa deiin ekspress-testten óte alady.
Ekspress-testterdiń durystyǵy 90%-dan kem emes.
QR DSM Respýblikalyq elektrondyq densaýlyq saqtaý ortalyǵynyń saitynda patsienttiń derekterin engizýge arnalǵan saýalnama jasaldy, epidemiologiialyq irikteýdiń qorytyndysy boiynsha testileý júrgiziletin bolady.
