Frantsiia densaýlyq saqtaý ministrligi elde aýrý juqtyrǵan adamdardyń sońǵy 24 saǵatta tirkelgen sanyna bailanysty «juqtyrýdyń buryn bolmaǵan ósimi» degen sipattama berdi. Táýlik ishinde virýs juqtyrǵan adam sany 1700-ge jýyqtady, dep habarlaidy Euronews.
Barlyq kýrorttyq qalalarda mindetti túrde maska taǵý talap etilgen. Parij meriiasy da osyǵan uqsas sheshim qabyldaýy tiis, sebebi turǵyndar arasynda ataqty kvartaldar men Sena jaǵalaýynda áleýmettik qashyqtyq saqtalmai otyr.
Oǵan kórshiles Ispaniianyń da jaǵdaiy uqsas: mundaǵy aýrý juqtyrǵan adamdardyń sany da birdei, bul - eki ai buryn oqshaýlaý sharalaryn alyp tastaý kezinen bergi rekordtyq san.
Britaniia ótken aptada Ispaniiadan qaityp kelýshiler úshin mindetti karantin engizgen.
Shotlandiianyń Aberdin qalasynyń turǵyndary úshin de eki aptaǵa sozylatyn karantin engizildi.
Germaniiada indet juqtyrǵan adamdardyń sany 214 myńnan asqan, federaldyq úkimet infektsiia taralýynyń joǵary deńgeii bar elderden qaityp oralǵan saiahatshylardyń barlyǵyn virýsqa analiz tapsyrýdy mindettedi. Budan basqa, el biligi turǵyndardy Antverpen qalasynda COVID-19 indetiniń joǵary oshaǵy paida bolǵan Belgiiaǵa sapar jasaýdan bas tartýdy suraidy.
