Densaýlyq saqtaý vitse-ministri Ajar Ǵiniiat COVID-19 shaldyqqan patsientterge meditsinalyq kómekti uiymdastyrý máseleleri boiynsha keńes ótkizdi, dep habarlaidy "Ult aqparat".
Keńeske elimizdiń barlyq óńiriniń Densaýlyq saqtaý basqarmalary basshylarynyń orynbasarlary, miokard infarktisi jáne jaraqattar kezinde meditsinalyq kómek kórsetýdiń integratsiialanǵan modelin engizý jónindegi Úilestirý keńesteriniń, insýlt jáne onkologiia aýrýlary basqarmalarynyń, QR Densaýlyq saqtaý ministrliginiń qurylymdyq bólimsheleriniń basshylary qatysty.
A.Ǵiniiat atap ótkendei, COVID-19 infektsiiasymen kúreske memlekettiń barlyq múmkindikteri jáne quraldary baǵyttaldy.
Dári-dármekpen, qajetti meditsinalyq jabdyqtarmen qamtamasyz etý, jańa modýldik infektsiialyq statsionarlar salý boiynsha sharalar qabyldandy, qarajat bólindi, KVI emdeý jáne diagnostikalaý hattamasy, is-qimyl algoritmi jáne taǵy basqasy ázirlendi jáne únemi jetildirilýde.
Qabyldanǵan sharalardyń nátijesinde koronavirýstyń taralý jaǵdaiy turaqtaldy jáne tómendei bastady.
«Búginde halyq arasynda koronavirýstyń ósýin eskere otyryp, jergilikti jerlerdegi dárigerler tirkelgen halyqty, birinshi kezekte D-esepte turǵandardy tekserý boiynsha jumysty jalǵastyrýy, naýqastardyń densaýlyq jaǵdaiynyń nasharlaýyn der kezinde anyqtaý jáne olardy qajet bolǵan jaǵdaida aýrýhanaǵa jatqyzý úshin koronavirýspen aýyrǵandarǵa monitoring júrgizýi qajet. Jergilikti jerlerde jumysqa mobildi brigadalardy belsendi tartý kerek. Olar óz betinshe diagnoz qoiyp, em taǵaiyndaýy tiis. Densaýlyq saqtaý basqarmalary KVI belgilerin óz betinshe anyqtaý jáne vaktsinalaýdyń artyqshylyqtary jóninde halyq arasynda aqparattyq-túsindirý jumystaryn belsendi júrgizýi qajet», - dep tapsyrdy vitse-ministr.
Keńes barysynda, sondai-aq miokard infarktisi jáne jaraqattar kezinde meditsinalyq kómek kórsetýdiń integratsiialanǵan modelin engizý, insýlt pen onkologiialyq aýrýlardy emdeý boiynsha Úilestirý keńesteriniń jumysy qorytyndylandy.
Atalmysh keńesterdiń usynymdary boiynsha KVI etiologiiasy men patogenezin eskere otyryp, qan ainalymy júiesi aýrýlary bar patsientterge erekshe nazar aýdarý, patsientterdi dinamikalyq baqylaýdan ótkizýdi jolǵa qoiý, naýqastardy ambýlatoriialyq deńgeide dári-dármekpen qamtamasyz etý, sondai-aq mamandandyrylǵan ortalyqtardy materialdyq jáne kadrlyq qamtamasyz etýdi kúsheitý mańyzdy.
