دەنساۋلىق ساقتاۋ ۆيتسە-مينيسترٸ اجار عينييات COVID-19 شالدىققان پاتسيەنتتەرگە مەديتسينالىق كٶمەكتٸ ۇيىمداستىرۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى "ۇلت اقپارات".
كەڭەسكە ەلٸمٸزدٸڭ بارلىق ٶڭٸرٸنٸڭ دەنساۋلىق ساقتاۋ باسقارمالارى باسشىلارىنىڭ ورىنباسارلارى, ميوكارد ينفاركتٸسٸ جەنە جاراقاتتار كەزٸندە مەديتسينالىق كٶمەك كٶرسەتۋدٸڭ ينتەگراتسييالانعان مودەلٸن ەنگٸزۋ جٶنٸندەگٸ ٷيلەستٸرۋ كەڭەستەرٸنٸڭ, ينسۋلت جەنە ونكولوگييا اۋرۋلارى باسقارمالارىنىڭ, قر دەنساۋلىق ساقتاۋ مينيسترلٸگٸنٸڭ قۇرىلىمدىق بٶلٸمشەلەرٸنٸڭ باسشىلارى قاتىستى.
ا.عينييات اتاپ ٶتكەندەي, COVID-19 ينفەكتسيياسىمەن كٷرەسكە مەملەكەتتٸڭ بارلىق مٷمكٸندٸكتەرٸ جەنە قۇرالدارى باعىتتالدى.
دەرٸ-دەرمەكپەن, قاجەتتٸ مەديتسينالىق جابدىقتارمەن قامتاماسىز ەتۋ, جاڭا مودۋلدٸك ينفەكتسييالىق ستاتسيونارلار سالۋ بويىنشا شارالار قابىلداندى, قاراجات بٶلٸندٸ, كۆي ەمدەۋ جەنە دياگنوستيكالاۋ حاتتاماسى, ٸس-قيمىل الگوريتمٸ جەنە تاعى باسقاسى ەزٸرلەندٸ جەنە ٷنەمٸ جەتٸلدٸرٸلۋدە.
قابىلدانعان شارالاردىڭ نەتيجەسٸندە كوروناۆيرۋستىڭ تارالۋ جاعدايى تۇراقتالدى جەنە تٶمەندەي باستادى.
«بٷگٸندە حالىق اراسىندا كوروناۆيرۋستىڭ ٶسۋٸن ەسكەرە وتىرىپ, جەرگٸلٸكتٸ جەرلەردەگٸ دەرٸگەرلەر تٸركەلگەن حالىقتى, بٸرٸنشٸ كەزەكتە د-ەسەپتە تۇرعانداردى تەكسەرۋ بويىنشا جۇمىستى جالعاستىرۋى, ناۋقاستاردىڭ دەنساۋلىق جاعدايىنىڭ ناشارلاۋىن دەر كەزٸندە انىقتاۋ جەنە ولاردى قاجەت بولعان جاعدايدا اۋرۋحاناعا جاتقىزۋ ٷشٸن كوروناۆيرۋسپەن اۋىرعاندارعا مونيتورينگ جٷرگٸزۋٸ قاجەت. جەرگٸلٸكتٸ جەرلەردە جۇمىسقا موبيلدٸ بريگادالاردى بەلسەندٸ تارتۋ كەرەك. ولار ٶز بەتٸنشە دياگنوز قويىپ, ەم تاعايىنداۋى تيٸس. دەنساۋلىق ساقتاۋ باسقارمالارى كۆي بەلگٸلەرٸن ٶز بەتٸنشە انىقتاۋ جەنە ۆاكتسينالاۋدىڭ ارتىقشىلىقتارى جٶنٸندە حالىق اراسىندا اقپاراتتىق-تٷسٸندٸرۋ جۇمىستارىن بەلسەندٸ جٷرگٸزۋٸ قاجەت», - دەپ تاپسىردى ۆيتسە-مينيستر.
كەڭەس بارىسىندا, سونداي-اق ميوكارد ينفاركتٸسٸ جەنە جاراقاتتار كەزٸندە مەديتسينالىق كٶمەك كٶرسەتۋدٸڭ ينتەگراتسييالانعان مودەلٸن ەنگٸزۋ, ينسۋلت پەن ونكولوگييالىق اۋرۋلاردى ەمدەۋ بويىنشا ٷيلەستٸرۋ كەڭەستەرٸنٸڭ جۇمىسى قورىتىندىلاندى.
اتالمىش كەڭەستەردٸڭ ۇسىنىمدارى بويىنشا كۆي ەتيولوگيياسى مەن پاتوگەنەزٸن ەسكەرە وتىرىپ, قان اينالىمى جٷيەسٸ اۋرۋلارى بار پاتسيەنتتەرگە ەرەكشە نازار اۋدارۋ, پاتسيەنتتەردٸ ديناميكالىق باقىلاۋدان ٶتكٸزۋدٸ جولعا قويۋ, ناۋقاستاردى امبۋلاتورييالىق دەڭگەيدە دەرٸ-دەرمەكپەن قامتاماسىز ەتۋ, سونداي-اق مامانداندىرىلعان ورتالىقتاردى ماتەريالدىق جەنە كادرلىق قامتاماسىز ەتۋدٸ كٷشەيتۋ ماڭىزدى.
