Almatyda Qytai dárigerleri onlain trening barysynda Covid-19 dertinen jazylyp shyqqandarǵa qalai qalpyna kelý kerektigin túsindirdi, dep habarlaidy QazAqparat.
Ile Qazaq avtonomdy okrýginiń «Dostyq» aýrýhanasynyń dáriger pýlmonologi Tsiý Gaýnfeng koronavirýstan qozǵan pnevmoniiadan keiin aǵzany ońaltý sharalaryn júrgizý mańyzdy ekendigin aitty.
«Covid-19-dan jazylyp shyqqandar aǵzasy álsirep shyǵady. Olar kóbinese sál belsendilikten soń demigip qalady. Bulshyqetteri atrofiiaǵa ushyraidy. Sondyqtan ońaltý sharalary emdeýden anaǵurlym uzaq bolýy tiis. Eger patsient basy aýyryp, basy ainalyp, keýde tusy shanshyp aýyryp, kóp jótelse, jattyǵýdy toqtatyp shuǵyl dárigerge habarlaýy kerek. Qytai qalalarynan kelgen túrli málimetterdi qoryta kele biz jattyǵýlar keshenin oilastyrdyq. Bul jattyǵýlar negizinen jaǵdaiy aýyr, ortasha, jeńil patsientterge arnalǵan. Negizinen bul bulshyqetterdi kúsheitýge, tynys alýdy jeńildetýge, qan qysymyn jeńildetýge arnalǵan. Buǵan jyldam júristi, júgirýdi, júzýdi qosýǵa bolady. Jattyǵýlar bastapqyda baiaý, odan keiin jyldam bolýy tiis. Buǵan aptasyna 3-5 ret 30 minýttan kem emes ýaqyt bólý kerek», - dedi maman.
Aita ketý kerek, Covid-19 kúresip jatqan otandyq dárigerlerge kómek kórsetýge Almatyǵa Qytaidan dárigerler delegatsiiasy kelgen bolatyn.
Qazir mamandar S.Asfendiiarov atyndaǵy Qazaq Ulttyq meditsinalyq ýniversitetinde videodáris oqyp jatyr.
Olardy tyńdaýǵa 700-den asa meditsina mamany qosylǵan.
