الماتىدا قىتاي دەرٸگەرلەرٸ ونلاين ترەنينگ بارىسىندا Covid-19 دەرتٸنەن جازىلىپ شىققاندارعا قالاي قالپىنا كەلۋ كەرەكتٸگٸن تٷسٸندٸردٸ, دەپ حابارلايدى قازاقپارات.
ٸلە قازاق اۆتونومدى وكرۋگٸنٸڭ «دوستىق» اۋرۋحاناسىنىڭ دەرٸگەر پۋلمونولوگٸ تسيۋ گاۋنفەنگ كوروناۆيرۋستان قوزعان پنەۆمونييادان كەيٸن اعزانى وڭالتۋ شارالارىن جٷرگٸزۋ ماڭىزدى ەكەندٸگٸن ايتتى.
«Covid-19-دان جازىلىپ شىققاندار اعزاسى ەلسٸرەپ شىعادى. ولار كٶبٸنەسە سەل بەلسەندٸلٸكتەن سوڭ دەمٸگٸپ قالادى. بۇلشىقەتتەرٸ اتروفيياعا ۇشىرايدى. سوندىقتان وڭالتۋ شارالارى ەمدەۋدەن اناعۇرلىم ۇزاق بولۋى تيٸس. ەگەر پاتسيەنت باسى اۋىرىپ, باسى اينالىپ, كەۋدە تۇسى شانشىپ اۋىرىپ, كٶپ جٶتەلسە, جاتتىعۋدى توقتاتىپ شۇعىل دەرٸگەرگە حابارلاۋى كەرەك. قىتاي قالالارىنان كەلگەن تٷرلٸ مەلٸمەتتەردٸ قورىتا كەلە بٸز جاتتىعۋلار كەشەنٸن ويلاستىردىق. بۇل جاتتىعۋلار نەگٸزٸنەن جاعدايى اۋىر, ورتاشا, جەڭٸل پاتسيەنتتەرگە ارنالعان. نەگٸزٸنەن بۇل بۇلشىقەتتەردٸ كٷشەيتۋگە, تىنىس الۋدى جەڭٸلدەتۋگە, قان قىسىمىن جەڭٸلدەتۋگە ارنالعان. بۇعان جىلدام جٷرٸستٸ, جٷگٸرۋدٸ, جٷزۋدٸ قوسۋعا بولادى. جاتتىعۋلار باستاپقىدا باياۋ, ودان كەيٸن جىلدام بولۋى تيٸس. بۇعان اپتاسىنا 3-5 رەت 30 مينۋتتان كەم ەمەس ۋاقىت بٶلۋ كەرەك», - دەدٸ مامان.
ايتا كەتۋ كەرەك, Covid-19 كٷرەسٸپ جاتقان وتاندىق دەرٸگەرلەرگە كٶمەك كٶرسەتۋگە الماتىعا قىتايدان دەرٸگەرلەر دەلەگاتسيياسى كەلگەن بولاتىن.
قازٸر ماماندار س.اسفەنديياروۆ اتىنداعى قازاق ۇلتتىق مەديتسينالىق ۋنيۆەرسيتەتٸندە ۆيدەودەرٸس وقىپ جاتىر.
ولاردى تىڭداۋعا 700-دەن اسا مەديتسينا مامانى قوسىلعان.
